एक नम्बर प&#

प्रदेश १ प्रदेशसभाको आइतबार बसेको बैठकले आगामी आर्थिक वर्षका लागि सरकारले ल्याएको नीति तथा कार्यक्रम पारित गरेको छ । नीति तथा कार्यक्रम पारित भएसँगै प्रदेश सरकारलाई आगामी आर्थिक वर्षको आय व्ययको अनुमानित विवरण बजेट ल्याउने बाटो खुला भएको छ ।
उपसभामुख सरस्वती पोखरेलले नीति तथा कार्यक्रम बहुमतले पारित भएको घोषणा गरिन् । सत्तारुढ एमाले (खनाल–नेपाल) पक्षको साथ पाएपछि नीति तथा कार्यक्रम बहुमतले पारित भएको हो । योसँगै तत्कालका लागि सरकार अप्ठेरोमा पर्ने अवस्था टरेर गएको छ । 
प्रदेशसभामा सत्ताधारी दल एमालेको एकल सरकार रहेको छ । एमालेको ५१,(१८ खनाल–नेपाल)  काँग्रेसका २१, माओवादी केन्द्र १५, संघीय समाजवादीका ३ तथा राप्रपा र लोकतान्त्रिक मञ्चको एक–एक जना सांसद छन् । प्रदेश सरकारहरुले असार १ गते आगामी आर्थिक वर्षको बजेट सार्वजनिक गर्नुपर्ने संवैधानिक व्यवस्था  छ  ।
नीति तथा कार्यक्रम निर्णयार्थ बैठकमा पेस गर्नुअघि मुख्यमन्त्री शेरधन राईले छलफलमा उठेका प्रश्नको जवाफ दिएका थिए । प्रतिपक्ष दल जनता समाजवादी पार्टीका संसदीय दलका नेता जयराम यादवले गर्नुभएको संशोधन प्रस्ताव फिर्ता लिएका छन् । विपक्षी दल नेपाली काँग्रेस, माओवादी केन्द्रका तर्फबाट नीति तथा कार्यक्रममाथि परेका संशोधन भने खारेजी भएको छ । बैठकमा निर्णयार्थ प्रस्तुत संशोधन बहुमतले अस्वीकृत गरेपछि खारेज भएको हो ।
रातोपाटीको अंग्रेजी, हिन्दी र ग्लोबल संस्करणका साथै अनलाइन टिभी पनि सञ्चालित छ । एप्सबाट सिधै समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक र ट्वीटरमार्फत पनि हामीसँग जोडिन सकिनेछ ।
‘सबैको, सबैभन्दा राम्रो’ 
रातोपाटी डटकम २०७० जेठ २७ देखि सञ्चालनमा आएको हो  । 
कमेन्ट
कमेन्ट गर्नुहोस्
info outline
तपाईको ईमेल गोप्य राखिनेछ
नाम :
प्रतिक्रिया :
पोष्ट गर्नुहोस्
This site is protected by reCAPTCHA and the Google Privacy Policy and Terms of Service apply.
यो पनि पढौँ