சிங்கப்பூர் போலிஸ் படைக்கு பதக்கங்கள்

பதக்கத்தின் முன்பக்கம்
4 Aug 2021 05:30 | மாற்றம் செய்யப்பட்ட நாள் / நேரம்: 4 Aug 2021 10:45
சிங்­கப்­பூர் போலிஸ் படை­யின் 200வது ஆண்டு நிறை­வைக் குறிக்­கும் வகை­யில் இந்­நாள், முன்­னாள் அதி­கா­ரி­க­ளுக்­கும் பணி­நி­மித்­த­மாக உயிர்­நீத்த அதி­கா­ரி­க­ளின் குடும்­பத்­தா­ருக்­கும் நினை­வுப் பதக்­கங்­கள் வழங்­கப்­ப­ட­வுள்­ளன.
சிங்­கப்­பூர் போஸில் படை­யின் 200 ஆண்டு நிறை­வைக் குறிப்­ப­தற்­கான தீர்­மா­னம் நாடா­ளு­மன்­றத்­தில் நேற்று நிறை­வேற்­றப்­பட்­டது. தீர்­மா­னம் நிறை­வேற்­றப்­பட்­ட­போது நாடா­ளு­மன்ற அவை­யில் போலிஸ் படை­யைச் சார்ந்த 69 பேர் சிறப்பு வரு­கை­யா­ளர்­க­ளா­கக் கலந்­து­கொண்­ட­னர்.
சிங்­கப்­பூர் போலிஸ் ஆணை­யர் ஹூங் வீ டெக், தற்­போது சேவை­யில் உள்ள அதி­கா­ரி­கள், முழு­நேர தேசிய சேவை­யா­ளர்­கள், தொண்­டூ­ழி­யர் சிறப்­புப் போலிஸ் பிரிவு, சீருடை அணி­யாத அதி­கா­ரி­கள், பணி­நி­மித்­தம் உயிர்­நீத்த ஒரு போலிஸ் அதி­கா­ரி­யின் குடும்­பத்­தி­னர் இரு­வர் போன்­ற­வர்­கள் அவர்­களில் அடங்­கு­வர்.
‘சிங்­கப்­பூர் போலிஸ் படை இரு­நூற்­றாண்டு 2020 பதக்­கம்’, இந்­நாள், முன்­னாள் அதி­காரி களுக்கு வழங்­கப்­படும் என்று சட்ட, உள்­துறை அமைச்­சர் கா. சண்­மு­கம் நேற்று நாடா­ளு­மன்­றத்­தில் அறி­வித்­தார்.
அத்­து­டன், பணி­நி­மித்­த­மாக உயிர்­நீத்த போலிஸ் அதி­கா­ரி­யின் குடும்­பத்­தி­ன­ருக்கு நினை­வுப் பதக்­கங்­கள் வழங்­கப்­படும் என்­றும் அமைச்­சர் தெரி­வித்­தார்.
மேலும், குற்­ற­வி­யல் சட்­டக் கட்­ட­மைப்பு, சிங்­கப்­பூர் போலிஸ் படைத் தலை­மைத்­து­வத்­தின் தரம், போலிஸ் மீது சமூ­கம் கொண்­டி­ருக்­கும் வலு­வான நம்­பிக்­கை­யைக் கட்­டிக்­காத்­தல் போன்­றவை சிங்­கப்­பூர் போலி­ஸின் வெற்­றிக்­கான கார­ணங்­கள் என்று திரு சண்­மு­கம் பட்­டி­ய­லிட்­டார்.
“போலிஸ் மீது பொது­மக்­கள் வைத்­தி­ருக்­கும் நம்­பிக்­கை­தான் அவர்­க­ளி­டையே நிக­ழும் அன்­றா­டத் தொடர்­பு­கள் எவ்­வாறு நிக­ழும் என்­ப­தைத் தீர்­மா­னிக்­கும். மக்­கள், போலிஸ்­கா­ரர் சொல்­லும்­படி கேட்­கி­றார்­கள், போலிஸ் அதி­கா­ரிக்கு விசா­ரிக்­கும் உரிமை இருப்­பதை அவர்­கள் ஏற்­றுக்­கொள்­கி­றார்­கள். பொது­மக்­கள் கொண்­டி­ருக்­கும் நம்­பிக்­கையை இயல்­பு­தானே என்று அலட்­சி­ய­மாக எடுத்­துக்­கொள்ள முடி­யாது,” என்று திரு சண்­மு­கம் கூறி­னார். அத்­து­டன், பணி­நி­மித்­த­மாக உயிர்­நீத்த போலிஸ் அதி­கா­ரி­க­ளுக்கு அமைச்­சர் புக­ழா­ரம் சூட்­டி­னார்.
சென்ற அண்டு எந்­தக் கால­கட்­டத்­தின்­போ­தும் சேவை­யாற்­றிய போஸிஸ் படை அதி­கா­ரி­கள், தேசிய சேவை­யா­ளர்­கள், தொண்­டூ­ழி­யர் சிறப்­புப் போலிஸ் பிரி­வி­னர் ஆகி­யோர் பதக்­கம் பெறு­வர். கடந்த ஆண்டு ஜன­வரி 1ஆம் தேதிக்கு முன்­னர் ஓய்­வு­பெற்ற அல்­லது தேசிய சேவை நிறை­வு­பெற்ற முன்­னாள் அதி­கா­ரி­க­ளின் பங்­க­ளிப்பை அங்­கீ­கரிக்க அவர் களுக் கும் பதக்­கம் வழங்­கப்­படும்.
சிங்­கப்­பூர் போலிஸ் படை­யில் கடந்­தாண்டு சேவை­யாற்­றிய சீருடை அணியாத அதி­கா­ரி­களும் பதக்­கங்­கள் பெறு­வார்­கள்.
பதக்­கங்­கள் அடுத்த ஆண்டு ஜூனில் வழங்­கப்­படும்.
சிங்­கப்­பூர் போலிஸ் படை­யின் இரு­நூ­றாம் ஆண்டு நிறை­வைக் குறிப்­ப­தற்­கான சிறப்­புத் தீர்­மா­னத்­தைத் தாக்­கல் செய்த நாடா­ளு­மன்ற உறுப்­பி­னர்­களில் ஒரு­வ­ரான கிறிஸ்­ட­ஃபர் டிசூஸா, 1820ல் 12 பேருடன் தொடங்­கிய போலிஸ் படை­யில் தற்­போது 45,000 பேர் உள்­ள­னர் என்று குறிப்­பிட்­டார்.
அண்மைய காணொளிகள்
08:58
10:51
09:27
12:21

Related Keywords

Singapore , ,Service He ,சிங்கப்பூர் ,சேவை அவர் ,