[Niger State] GCS Kagara school kidnap update: Parents of kidnapped students say goment neva reach out to dem since bandits kidnap dia pikin
21 February 2021
Parents and families of some of di kidnapped victims of Government science College Kagara, Niger state don hala say since di kidnap happun. goment neva follow dem tok anything.
Dem claim say all di assurances dem get na from di pages of newspaper and social media.
Some of di parents wey follow BBC tok under anonymity say since di incident happun until now, di Kidnappers neva contact any of di families and di state goment neva meet wit dem officially, all di thing dem dey hear about di mata na on top social media and for news paper.