بھارت میں مساجد پر بلا معاوضہ قرآنی آیات لکھنے والا ہندو خطاط حیدرآباد دکن(ٹی وی رپورٹ) بھارت میں ہندو خطاط انیل کمار چوہان قرآنی آیات اور احادیث کو اب تک 200سے زائد مساجد کی محرابوں اور دیواروں پر دلکش انداز سے تحریر کرکے عبادت گاہ کی زیب و زینت کو چار چاند لگا چکے ہیں اور وہ اس کام کا معاوضہ بھی نہیں لیتے۔ عالمی خبر رساں ادارے کے مطابق حیدرآباد کے پرانے علاقے چارمینار کے قریب گلی حسینی عالم میں ایک چھوٹی دکان ہے جہاں نیم خواندہ انیل کمار ہندی، انگریزی، اردو اور تیلگو سمیت کئی مقاموں زبانوں میں سائن بورڈ لکھتے ہیں۔ انیل کمار کی خاص بات اردو اور عربی زبان کے حروف تہجی کو خوبصورت انداز سے تحریر کرنا ہے جس میں اسلامی تاریخ اور ثقافت کا رنگ بھی آجائے۔ وہ خود بھی اردو اور عربی کو خاص اہمیت دیتے ہیں جس کے لئے غزلیں کہتے ہیں اور نعتیں بھی پڑھتے ہیں۔ اہم خبریں سے مزید