اسلام آباد (خصوصی نامہ نگار)سی ڈی اے کے سینی ٹیشن ڈائریکٹوریٹ میں ڈائریکٹرجنرل کے دفتر کے دروازے پراتھرے ملازمین کی کھلے عام فائرنگ ، خنجروں کے استعمال اور ایک ساتھی کو ز خمی کرنے کے کیس میں سیاسی آشیر باد اور افسران کی ملی بھگت نے معاملے کو سنگین بنادیا، زخمی نوجوان کو ہسپتال سے ڈسچارج کروانے اور متاثرہ پارٹی کو نیچادکھانے کیلئے ایڑی چوٹی کا زوور لگانا شروع کردیا گیا ہے ، دفتر میں اسلحہ کیسے آیا، آوٹ سائیڈروں کو اندر آنے کی اجازت کس نے دی اور مسلح ملزمان کو دفتری سیکورٹی نے کیونکر قابونہ کیاان سوالات نے سی ڈی اے انتظامیہ کے کردار کو سوالیہ نشان بنادیاہے،الیاس مسیح نامی ملازم کی چھٹی کے معاملے میں ڈی جی سینی ٹیشن کے پاس راجہ رفیق نامی سینٹری انسپکٹر جب یونین کی جانب سے پیش ہوئے تو پہلے فائل غائب ہونے کا پتہ چلا۔ اسلام آباد سے مزید