ફાયરવોલ : સ&

Share
આજકાલ દુનિયાભરમાં સાઇબર એટેક ખૂબ વધી ગયા છે. એમાં પણ રેન્સમવેર અને કીલોગર્સ વધુ પ્રમાણમાં જોવા મળે છે. રેન્સમવેર એટેકની અંદર સાયબર હુમલાખોર અગત્યના ડેટાને એન્ક્રિપ્ટ કરી દે છે અને ત્યારબાદ બિટકોઈન જેવી વર્ચ્યુઅલ કરન્સીની અંદર ખંડણી માંગે છે. તાજેતરમાં જ અમેરિકામાં કેનોનિકલ પાઇપલાઇન અને સૌથી મોટા મિટ સપ્લાયર પર રેન્સમવેર પ્રકારનો હુમલો થયેલો, જેમાં અમેરિકાની આધુનિક સાઇબર આર્મીએ હુમલાખોરો સામે ઘૂંટણ ટેકવા પડેલા અને બિટકોઈનમાં ખંડણી ચૂકવવી પડેલી. વધારે પડતા રેન્સમવેર હુમલાને ધ્યાનમાં રાખીને અમેરિકન પ્રેસિડેન્ટે ત્યાં સુધી કહી દીધું હતું કે રેન્સમવેર હુમલાને આતંકવાદી કૃત્યમાં સામેલ કરવામાં આવે. આમ, વધતા જતા આવા સાઇબર હુમલાથી આખું વિશ્વ અને સરકારો ત્રસ્ત છે. ત્યારે સાઇબર હુમલાને ઓળખવા અને તેની સામે લડવા માટે એક ઈ-બોડીગાર્ડની જરૂર છે કે જે આ પ્રકારના હુમલાને ઓળખી શકે અને આપના ડેટા અને નેટવર્કને સલામત રાખી શકે. તેને ફાયરવોલ કહે છે. અહીં સાયબર વિશ્વમાં તેની ભૂમિકા અને જરૂરિયાત પર વિગતે સમજીએ.
ફાયરવોલના પ્રકાર કેટલા છે?
ફાયરવોલ મુખ્યત્વે બે પ્રકારની હોય છે. એક સોફ્ટવેર ફાયરવોલ અને બીજી હાર્ડવેર ફાયરવોલ. અહીં બંને વિશે વિગતે સમજીએ.
૧. સોફ્ટવેર ફાયરવોલ
આ પ્રકારની ફાયરવોલ તમામ પ્રકારના યૂઝરને અનુકૂળ આવે તેવી અને સૌથી સામાન્ય પ્રકારની ફાયરવોલ છે, જે કમ્પ્યૂટર પર સરળતાથી ઇન્સ્ટોલ થઈ શકે છે. વિન્ડોઝ ઓપરેટિંગ સિસ્ટમની વિવિધ આવૃત્તિઓ જેમ કે, વિન્ડોઝ ૭, ૮, ૮.૧ અને વિન્ડોઝ ૧૦ સાથે તે ઇનબિલ્ટ હોય છે. વપરાશકર્તાઓને ઈન્ટરનેટ પર કાર્ય કરતી વખતે સાયબર હુમલાના ભોગ બનવું ન પડે તેથી આ સુરક્ષા સુવિધા વિન્ડોઝ ઓપરેટિંગ સિસ્ટમમાં પહેલેથી જ ઉપલબ્ધ કરાવાઈ છે. તે કમ્પ્યૂટર યૂઝરને ઈન્ટરનેટ વપરાશ દરમ્યાન એક પ્રકારની સુરક્ષિત ઇલેક્ટ્રોનિક્સ દીવાલની સુવિધા પૂર્ણ પાડે છે. વિન્ડોઝ ફાયરવોલ વિવિધ એન્ટિવાઇરસ એપ્લિકેશન સાથે પણ ઉપલબ્ધ હોય છે, તેમજ ઓપન સોર્સ અને ઔલાઇસન્સ કેટેગરીમાં પણ મળી શકે છે. અત્યારના સમયમાં બે ઓપન સોર્સ ફાયરવોલ સૌથી ઉચ્ચ કક્ષાની સલામતી પૂર્ણ પાડે છે. એક છે કોમોડો અને બીજી છે ઝોન એલાર્મ. આ બંને માલવેર, રેન્સમવેર, ટ્રોજન અને વિવિધ પ્રકારના સાયબર એટેક સામે સુરક્ષાકવચ પૂરું પાડે છે.
૨. હાર્ડવેર ફાયરવોલ
આ પ્રકારની ફાયરવોલ એક ઈલેક્ટ્રોનિક્સ ડિવાઈસ કે સાધન સ્વરૂપે ઉપલબ્ધ બને છે અને તે ખર્ચાળ પણ છે. હાર્ડવેર ફાયરવોલ મોટાભાગે મોટી કંપનીઓ દ્વારા વપરાય કે ઉપયોગમાં લેવાય છે કે જ્યાં નેટવર્કમાં ૩૦ કે તેના કરતાં વધુ કમ્પ્યૂટરો એકસાથે જોડાયેલાં હોય. આ હાર્ડવેર ફાયરવોલને ઇન્ટરનેટ રાઉટર સાથે કનેક્ટ કરવામાં આવે છે જેનું મુખ્ય કામ મોટી કંપનીઓમાં બહારની દુનિયામાંથી આવતા દૂષિત ઈન્ટરનેટ ટ્રાફ્કિને અને અનધિકૃત ઉપયોગને અટકાવવાનું છે. ઘણી નામાંકિત કમ્પ્યૂટર હાર્ડવેર અને એન્ટિ વાઇરસ સોફ્ટવેર બનાવતી કંપનીઓ હાર્ડવેર ફાયરવોલ બનાવે છે. તે પૈકી હાલના સમયમાં નોર્ટન સિક્યોરિટી, સિસ્કો ફાયરવોલ અને નેટવર્ક સિક્યુરિટી ફાયરવોલ લોકપ્રિય છે.
‘
શું છે?
અત્યારના સમયમાં જો કોઈ વેપારી પોતાના નેટવર્ક પર ફાયરવોલ ઇન્સ્ટોલ કરવા ન માંગતો હોય કે ફાયરવોલ સંદર્ભે ખર્ચ કરવા ન માંગતો હોય, તો ઘણી બધી કંપનીઓએ ‘ફાયરવોલ એઝ અ સર્વિસ’ (હ્લઉટ્વટ્વજી ) સેવાઓ અત્યારના સમયમાં ચાલુ કરી છે. તેને ફાયરવોલ ક્લાઉડ સર્વિસના નામથી પણ ઓળખવામાં આવે છે, જે હાર્ડવેર ફાયરવોલની તુલનાએ બધી જ રીતે ખૂબ જ અનુકૂળ રહે છે. હાલ ક્લાઉડ ટેક્નોલોજી સૌથી મોટી ટ્રેડિંગ ટેક્નોલોજી બની ચૂકી છે, કેમ કે આજે દરેક વ્યવસાય કરનાર વ્યક્તિ પોતાના મહત્ત્વના ડેટાને ક્લાઉડ ઉપર જ સ્ટોર કરવાનું વધારે હિતાવહ સમજે છે. પણ તેને સુરક્ષિત રાખવા માટે એક વિશ્વસનીય સુરક્ષા સિસ્ટમની જરૂર પડે છે અને તેના માટે ‘ફાયરવોલ એઝ એ સર્વિસ’ પ્લેટફોર્મ સૌથી ઉપયોગી છે. આ એક નવી જનરેશનની ફાયરવોલ સુરક્ષા છે જેનાથી ડિવાઇસને દુનિયાના કોઈપણ ખૂણામાંથી સુરક્ષિત કરી શકાય છે.
ફાયરવોલના ફાયદા 
ફાયરવોલ કમ્પ્યુટર પર આવતા તમામ ઈન્ટરનેટ ટ્રાફ્કિને મોનિટર કરે છે, અને તે ફ્ક્ત તે જ ઈન્ટરનેટ ટ્રાફ્કિને નેટવર્કમાં પ્રવેશવાની મંજૂરી આપે છે જે યૂઝરના કમ્પ્યૂટર નેટવર્ક માટે સલામત હોય. એ સિવાયના તમામ ખરાબ ટ્રાફ્કિને તે અવરોધે છે. ઉદાહરણ તરીકે, જો કોઈ યૂઝર મફ્ત મૂવીઝ કે સોફ્ટવેર ડાઉનલોડ કરવાની સાઇટ વિશે શોધ કરે છે તો આવી ફ્રી વેર વેબસાઈટ પર યૂઝરને પોપ-અપ જાહેરાતો, ક્લોક લિંક્સ જેવી ઘણી બિનજરૂરી સામગ્રીઓ જોવા મળે છે, જે મોટેભાગે અનધિકૃત ઈન્ટરનેટ ટ્રાફ્કિ સ્ત્રોતો સાથે સંકળાયેલી હોય છે. ફાયરવોલ આવા અનધિકૃત ટ્રાફિક સ્ત્રોતને સર્વર કમ્પ્યૂટર સુધી પહોંચતા અટકાવે છે.
ફાયરવોલ કીલોગર્સને ઓળખે અને અટકાવે છે. કીલોગર્સ ખૂબ જોખમી છે. અત્યારના સમયમાં કીલોગર્સ પ્રકારના સાયબર એટેક સૌથી વધુ પ્રમાણમાં જોવા મળે છે. સાયબર અપરાધીઓ કીલોગર્સની મદદથી યૂઝર્સ પોતાના કમ્પ્યૂટરના કી-બોર્ડ દ્વારા શું ટાઇપ કરી રહ્યો છે તેની માહિતી મેળવી લે છે અને તેનો દુરુપયોગ કરીને યૂઝરને નુકસાન પહોંચાડવાનો પ્રયત્ન કરે છે. આવી સ્થિતિમાં, ફાયરવોલ એક પ્રકારનું સુરક્ષા સ્તર પૂરું પાડે છે, અને કમ્પ્યૂટર, કમ્પ્યૂટર પર ટાઈપ કરાતો ડેટા અને સમગ્ર નેટવર્ક ને કીલોગર્સ હુમલાખોરોથી સુરક્ષિત રાખી શકે છે.
ફાયરવોલ નેટવર્કની બહાર જતાં ટ્રાફ્કિનું પણ મોનિટરિંગ કરે છે. ફાયરવોલ કમ્પ્યૂટર સિસ્ટમમાંથી બહાર જતાં ઇન્ટરનેટ ટ્રાફ્કિને પણ મોનિટર કરવાની ક્ષમતા ધરાવે છે. તે કોઈ માલવેર કમ્પ્યૂટર નેટવર્કમાંથી અગત્યની માહિતી ચોરીને બહાર તો નથી લઇ જઇ રહ્યોને તેનું પણ ચોક્કસ પેરામીટર દ્વારા મોનિટરિંગ કરે છે.
ફાયરવોલ શું છે?
ફાયરવોલ એ એક નેટવર્કની સુરક્ષા સિસ્ટમ છે જે ઇન્ટરનેટ અથવા કોઈ ખાનગી નેટવર્ક પરથી કમ્પ્યૂટર પર થતા અનધિકૃત એક્સેસ, માલવેર અને વાઇરસ એટેકને રોકે છે. જ્યારે પણ રેન્સમવેર અથવા હેકર જેવા ખતરનાક કમ્પ્યૂટર દુશ્મનો કમ્પ્યૂટર કે નેટવર્કનો અનધિકૃત રીતે ઉપયોગ કરવાનો પ્રયાસ કરે છે ત્યારે ફાયરવોલ સોફ્ટવેર અથવા હાર્ડવેર કમ્પ્યૂટરને તેમનાથી સુરક્ષિત કરે છે, જેથી કોઈ કમ્પ્યૂટરનો અગત્યનો ડેટા ચોરી ન શકે, કે તેને એનક્રિપ્ટ ન કરી શકે. ફાયરવોલ દ્વારા પ્રાપ્ત થતી સુરક્ષા સુવિધાઓ એક પ્રકારના એપ્લિકેશન સોફ્ટવેર પ્રોગ્રામની જેમ અથવા હાર્ડવેર સિસ્ટમની જેમ જ હોય છે અને જ્યારે પણ કોઈ યૂઝર કમ્પ્યૂટર ને ઇન્ટરનેટ અથવા કોઈપણ ખાનગી નેટવર્ક સાથે કનેક્ટ કરે છે ત્યાર પછી ફાયરવોલ કમ્પ્યૂટર પર આવતા તમામ પ્રકારના અનધિકૃત ટ્રાફ્કિ પર ધ્યાન રાખે છે અને યુઝર્સને તે અનધિકૃત ટ્રાફ્કિ વિશેની સુરક્ષા માહિતી પણ અગાઉથી આપે છે. ફાયરવોલ તેના નામ પ્રમાણે જ કામ કરે છે. તે કમ્પ્યૂટર અને ઇન્ટરનેટ વચ્ચે એક દીવાલની જેમ કામ કરે છે જે તેને સાયબર હુમલાઓથી બચાવે છે. જ્યારે આપણે કમ્પ્યૂટર પર ઇન્ટરનેટનો ઉપયોગ કરીએ છીએ, ત્યારે ઘણા હુમલાખોરો આપણા કમ્પ્યૂટરમાં અનિચ્છનીય એપ્લિકેશનો ઇન્સ્ટોલ કરવાનો, અગત્યનો ડેટા લોક કરવાનો અને કીલોગર્સને પ્રસ્થાપિત કરવાનો પ્રયાસ કરે છે, ફાયરવોલ તેની સામે પણ સુરક્ષા પૂર્ણ પાડે છે. એ રીતે તે ખરા અર્થમાં ઈ-બોડીગાર્ડ છે.
નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.
તમે અમને
પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandesh ની નવી મોબાઇલ એપ્લિકેશન
Photo Gallery