April 05, 2021
Hepe sa Police Regional Office 7 nipasabot nganong gisirado ang agianan sa mga residente sa PC Hills apartment nga gipanag-iya sa Philippine National Police.
Kini aron ma-regulate ang mosulod ug mogawas sa lugar.
Matod ni Police Brigadier General Ronnie Montejo nga nahukman sa ground commander sa PC Hills nga sirad-an aron ilang ma-control ang mosulod ug mogawas sa dapit tungod kay ilang nabantayan nga daghan ang mag-estambay nga wa na matuman ang minimum health standard.
Kadtong lihitimong lumolupyo sa dapit giawhag nga mo kuhag sticker sa buhatan sa Regional Intelligence Division 7 aron mamahimo sila nga makasulod sa laing agi-anan nga gitagana sa PRO 7. ....