Detailed description is Official Facebook page of Eng. Mohammad Khan, First Deputy of the Chief Executive of Afghanistan and the Vice Chancellor of Hizb e Islami..انجنیر محمد خان د غزنی ولایت د قره باغ په ولسوالۍ کی په کال ۱۳۳۰ هـ ش کی زیږیدلی او د همدی ولسوالۍ د سلطان محمود غزنوی په لیسه کی تر متوسطه زده کړو وروسته د ګردیز دارالمعلین ته د زده کړو د دوام لپاره تللی او له هغه ځایه یي د کابل پوهنتون د انجنیری پوهنځی ته لار پیدا کړه او په کال ۱۳۵۵ کی د برق په څانګه کی فارغ شو. له ۱۳۵۶ څخه تر ۱۳۵۸ پوری یی د کابل ښار د برق په ریاست او د هلمند ولایت د ګرشګ ولسوالی په حلاجی فابریکی کی د برق د انجنیر په توګه دنده اجرا کړی. . د ثور د ۷می کودتا او د شوروی اتحاد د یرغل څخه وروسته یی خپله رسمی دنده پری ایښی او د مجاهدینو له صفونو سره یو ځای شو تر څو د ګران هیواد د ازادۍ لپاره خپلي مبارزې ته دوام ورکړي. د جهاد په دوره کی زیاته موده د کابل ولایت د مرکزی حوزی د آمر په توګه او وروسته د حزب اسلامی سره په مهمو برخو کی د حزب اسلامی د اجرایی شوری د عضویت په شمول مختلفی دندی تر سره کړي. . هغه څه چه د انجنیر محمد خان په رابطه په خاصه توګه د پاملرنی وړ ده هغه دا چه نوموړی د جهاد په دوران کی د هجرت په محیط کی او بیا په اوسنیو سیاستی هلوځلو کی تل د پرګنو په منځ کی پاته شویدی ځکه نو تر زیاتو خلکو د ولس په دردونو، کړاوونو، د هغوی په ولسی نظریاتو او د هغوی د حلولو په لارو ښه پوهیږی.. انجنیر محمد خان په ټولو سیاسی جریانونو کی د حزب اسلامی فعال غړی پاتي شوي او تل یی د همدی تنظیم له لاري د خپل ولس د ازادۍ او هوسایني لپاره هلي ځلي کړي چي اوسمهال هم د حزب اسلامی د مرستیال په توګه کار کوي. . انجنیر صاحب د ۱۳۸۴ کال په پارلماني انتخاباتو کی د ولسي جرګې ۱۵مي دورې ته د غزني د خلکو د استازي په توګه لار پیدا کړه او په ولسي جرګې کي د مواصلاتو او مخابراتو د کمیسیون رئیس وو چی په دی برخه کی زیاتي لاسته راوړني هم لري، د دې کمیسیون د ښو قوانینو، ښه نظارت او اسانتیاوو برابرولو په نتیجه کی د مواصلاتو او مخابراتو سکتور په هیواد کی تر بل هر سکتور زیاته وده وکړه. . نوموړی پاکستان، هند، مالدیف، سعودی عربستان، امارات، ترکیه، هالند، جرمنی، تاجسکتان، مسکو او داسی نورو هیوادونو ته رسمی او کاری سفرونه کړیدی.. دا چي حزب اسلامي او جمعیت اسلامي دواړه جهادي تنظیمونه دي او په تیرو دریو لسیزو کي د هیواد په ټولو سیاسي جریانونو کي فعاله ونډه لرله او د هیواد زیات ولسي ملاتړ لري نو دواړو تنظیمونو تصیم ونیو تر څو د هیواد په مهمو مسايلو کي ګډ دریځ ولري او همدارنګه د ۱۳۹۳ کال د لسمشریزو ټاکنو لپاره مشترک کاندید وركړی، نو انجنیر محمد خان د حزب اسلامي د اجرایی شوری په فیصله د ډاکټر عبدالله عبدالله د لمړي مرستیال په توګه ونومول شو.
Established in the recent years Eng Mohammad Khan in kabul, kabul in afghanistan.
This well-known establishment acts as a one-stop destination servicing customers both local and from other parts of the city...
