28.06.2021 - 22:51
Mynd: RÚV
Einn stærsti rafrettuframleiðandi Bandaríkjanna og Norður-Karólínu-ríki hafa náð sátt um að fyrirtækið greiði 40 milljónir dala, um fimm milljarða króna, í sektargreiðslu fyrir ólöglegar auglýsingar sem beint var að börnum. Fyrirtækið hefur lofað bót og betrun.
Juul var stofnað árið 2015, þegar rafrettur voru við það að ryðja sér til rúms. Síðan þá hefur rafrettunotkun ungmenna í landinu aukist um 70 prósent og lýsti Lyfja- og matvælastofnun Bandaríkjanna yfir faraldri lungnasýkinga af völdum rafrettna árið 2019.