న్యూఢిల్లీ : 168 మంది ప్రయాణికులతో కాబూల్‌ నుండి నడుపుతున్న ప్రత్యేక స్వదేశీ విమానం ఢిల్లీ చేరనుంది. ఈ విమానంలో 107 మంది భారతీయులు కూడా ఉన్నట్లు భారత వైమానిక దళం తెలిపింది. అలాగే భారతీయులతో బయలుదేరిన మరో రెండు విమానాలైన ఎయిరిండియా, ఇండిగో విమానాలు ఢిల్లీలో ల్యాండ్‌ అయ్యాయి. వీటికి సంబంధించిన ఫొటోలను విదేశాంగ మంత్రిత్వ శాఖ ప్రతినిధి అరిందమ్‌ బాగ్చి ట్విటర్‌లో పోస్ట్‌ చేశారు. ల్యాండింగ్‌ అయిన అనంతరం ప్రయాణికులందరూ ఆర్‌టి-పిసిఆర్‌ పరీక్ష చేయించుకోవాలని ప్రభుత్వ ఉన్నత వర్గాలు తెలిపాయి.