Latest Breaking News On - Atlantic corner - Page 1 : vimarsana.com
ایک جھوٹی شادی اور ڈھائی لاکھ ڈالر کا دھوکہ، ’میں کتنا بے وقوف تھا‘
9 گھنٹے قبل
جب برطانیہ کے ایک امدادی ادارے کے اہلکار کی ایک نوجوان خاتون سے منگنی ہوئی تو انھوں نے سوچا وہ یہاں یوکرین کے ساحلی شہر اوڈیسہ میں ایک نئی زندگی کی شروعات کر رہے ہیں۔
52 برس کے جیز کئی ماہ سے ان لمحات کے منتظر تھے۔ وہ اپنی منگیتر ارینہ سے ملنے کے لیے بہت پرجوش تھے۔ بحر اسود کے ساحل پر بنے ریسٹورنٹ کے باہر وہ اس کا انتظار کر رہے تھے۔ وہ ان سے 20 برس چھوٹی تھی۔ وہ بہت خوبصورت لگ رہی تھی اس کے سنہرے بار ابھی ابھی ہیر ڈریسر نے بنائے تھے۔
ارینا کے والدین نے 60 مہمانوں کو مدعو کیا ہوا تھا۔ جیمز جیسے ہی گاڑی سے نکلے وہاں ان کے انتظار میں کھڑے مجمعے نے ان کے لیے تالیاں بجائیں۔
یہ جولائی سنہ 2017 کی بات ہے۔ اوڈیشہ میں شدید گرمی تھی اور ولا اوتراڈا نامی ریسٹورنٹ کے میز ٹیرس پر لگا دی گئی تھیں۔ سامنے سمندر کا نظارہ تھا۔
کچھ لمحے کے بعد ارینا نے پھولوں کی ڈالوں کے نیچے اپنی شادی کے الفاظ/ نذریں پڑھیں۔
لیکن وہ پرفیکٹ لمحات جیسا کچھ بھی نہیں تھا۔ اسی دن پھر آدھی رات کو جیمز ہسپتال میں تھے اور ان کو ملاوٹ شدہ مشروب پینے کو دیا گیا تھا۔ ان کی شادی ہوئی تھی لیکن یہ وہ عورت نہیں تھی جس سے انھوں نے محبت کی تھی۔
یہ کہانی اس بارے میں ہے کہ کیسے ایک برطانوی شخص نے زندگی کی بہت ساری جمع پونچی کھو دی تھی اور ساتھ ہی ساتھ اپنی عزت نفس بھی اور یوکرین میں انصاف کا نظام کیسے اسے منہ چڑا رہا تھا۔
جیمز ایک فرضی نام ہے ہم یہاں ان کا اصل نام نہیں بتا رہے۔ وہ کہتے ہیں کہ برطانیہ میں کوئی بھی اس بارے میں نہیں جانتا حتیٰ کہ ان کا خاندان بھی نہیں جانتا۔
بی بی سی نے ان کی کہانی اور ان کے بیان کی جانچ کی ہے کہ ان کے بینک اکاؤنٹس کے ساتھ کیا ہوا، سرکاری ریکارڈ کیا ہے، ان کے ٹیکسٹ پیغامات کو دیکھا گیا۔ اس کے علاوہ اس میں براہ راست جو لوگ شامل تھے ان کے انٹرویو لیے گئے۔
یہ مرکزی اوڈیشہ کی ایک لنزر اونوسکا نامی گلی کا حصہ ہے جہاں ایک تختی پر منہ میں سگار لیے ایک ٹوپی پہنے شخص کا عکس بنا ہوا ہے۔
آپ محراب کے ساتھ اور صحن کے اس پار آپپیلے اور سیاہ تیرو کو فالو کریں تو آپ کو وہ یہاں موجود پرائیویٹ تفتیش کار رابرٹ پاپنیان کے دفتر تک لے جائے گا۔
وہ سابقہ پولیس اہلکار ہیں بہترین انداز میں لباس زیب تن کرتے ہیں اور اپنے بالو کو سیاہ رنگ میں ڈائی کیے ہوئے ہیں۔ یہاں سب کچھ برینڈ ہے۔ شرلاک ہولمز کا نوٹ پیڈ، شرلاک کے کارڈز ہیں۔ یہاں ان کے فون کی رنگ ٹون بھی سویت ٹی وی پر شرلاک کے ورژن والی ہی ہے۔
وہ ہنستے ہوئے کہنے لگے ہم پولیس کے ساتھ کام نہیں کرتے۔ ہم نفسیاتی طریقے استعمال کرتے ہیں۔
انھوں نے کہا کہ یہ پیسے غیر قانونی طریقے سے لیے گئے تھے اس لیے ہمیں اسے واپس لینے کے لیے غیر قانونی حربے استعمال کرنا ہوں گے۔
مسٹر پاپنیان کے اوڈیسہ کی ڈیری باسو وکیا نامی گلی میں موجود دفتر سے پرے موجود بلاک شہر میں تفریح کا دل سمجھا جاتا ہے یہاں جابجا ریسٹورنٹس اور بارز ہیں۔
اگر آپ شام کے وقت وہاں واک کرتے جائیں آپ وہاں مغربی ملکوں سے تعلق رکھنے والوں مردوں کو خود سے عمر میں بہت چھوٹی لڑکیوں کے ساتھ کھاتے پیتے دیکھیں تھے۔ ان لڑکیوں کے ساتھ موجود خالی کرسی پر ایک مہنگا ڈیزائنر بیگ بطور گفٹ دکھائی دے گا۔
یوکرین یورپ کے غریب ترین ممالک میں شامل ہے۔ وہاں مہینے میں اوسطً مزدوری تین دو پچاس امریکی ڈالر ہے۔
یہاں پھولتی پھلتی ’ڈیٹنگ‘ انڈسٹری ہے۔
یہاں ای میل سروس کے علاوہ بالمشافہ رومینس ٹور بھی ہوتے ہیں۔ یہاں مغرب سے آنے والے مرد ممکنہ یوکرینی بیویوں سے ملنے کے لیے ہزاروں ڈالر خرچ کرتے ہیں۔
مگر جیمز کہتے ہیں کہ وہ اوڈیسہ میں محبت کی تلاش میں نہیں آئے تھے۔
وہ برطانیہ میں رہائش پذیر امدادی ادارے کے اہلکار تھے۔ سنہ 2015 میں انھیں ایک دوست نے اپنے نئے پراجیکٹ کو شروع کرنے کے لیے مدد مانگی۔ اس پراجیکٹ کے تحت مشرقی یوکرین کے شورش زدہ علاقوں سے بھاگنے والے بچوں کی مدد کرنا تھا۔
یورپ کا یہ دوسرا بڑا ملک ہے اور یہ ابھی انقلاب سے گزرا ہے اور روس یہاں کے باغیوں کی مدد کر رہا ہے۔
پھر اس بار سرما میں اوڈیسہ میں بہت زیادہ برفباری ہوئی تو کام رک گیا۔ کرنے کو کچھ زیادہ نہیں تھا ایسے میں جولیا نے جیمز کو تجویز دی کہ شاید وہ اس کی دوستوں میں سے ایک کے ساتھ ڈیٹ پر جانا پسند کرے۔
بیرون ملک کام جیمز کے لیے نیا نہیں تھا مگر انھوں جولیا نامی مترجم کی مدد سے اس کا آغاز کیا۔ کئی ماہ تک برطانیہ میں ان کا فل ٹائم کام اور اوڈیسہ میں ان کا رضاکارانہ کام اگے پیچھے چلتا رہا۔
جلد ہی یہ واضح ہو گیا کہ ان تکلیف دہ ماضی جنگ سے بھاگنے سے زیادہ گہرا ہو گا۔
ان کی وہ دوست ارینا تھیں جن کی عمر 32 برس تھی اور دونیتسک کی رہنے والی تھیں۔ یہ مشرقی یوکرین کا ایک شہر ہے اور اب روسی حمایہ یافتہ جنگجوؤں کے قبضے میں ہے۔
اس نے فوراً ہی مجھے اپنی دو سابقہ شادیوں کے بارے میں بتایا اور یہ بھی بتایا کہ وہ اب کسی یوکرینی شخص کے ساتھ کیوں کام نہیں کرنا چاہتی۔
ان کی عمر میں 20 برس کا فرق تھا۔ یہ جوڑا مسلسل چند شاموں میں اوڈیسہ میں گھوما پھرا اور نائٹ لائف کو انجوائے کرتا رہا۔
جیمز کو ارینا کے ساتھ مزا آیا لیکن وہ کبھی بھی اکیلے نہیں ہوئے۔
ارینا بہت کم انگلش بول پاتی تھیں اور جیمز روسی اور یوکرینی زبان سے کم ہی شناسا تھے۔
یوں اوڈیسہ میں ہونے والی اس ڈیٹنگ میں ان کے درمیان جولیا کی صورت میں مترجم ہمیشہ موجود ہوتی تھی اور انھیں ہر روز ڈیڑھ سو ڈالر ادا کیے جاتے تھے۔
جیمز کہتے ہیں کہ یہ عجیب لگتا ہے کہ کوئی جو بھی کہہ رہا ہو اسے پھر دوہرایا جا رہا ہو لیکن وہ یہ بھی کہتے ہیں کہ ہمارے درمیان اس حوالے سے ایک کیمسٹری بن چکی تھی۔
وہ کہتے ہیں کہ جب ہم ایک دوسرے سے دور تھے تو بات چیت زیادہ آسان تھیں۔ اس میں وائبر ایپ میں ترجمے کی سہولت کو استعمال کر رہے تھے۔
ایک پیغام میں انھوں نے جیمز کو لکھا ’تم نے مجھے حقیقی پریوں کی کہانی سے نوازا ہے اس کے لیے بہت شکریہ۔۔۔ مجھے تم پر یقین ہے۔ کہ تم ہی فقط مجھے ایسی خوشی دے سکتے ہو۔ مجھے تم سے محبت ہے۔‘
اگلے چھ ماہ تک جب بھی جیمز اوڈیسہ گئے تو یہ نیا جوڑا ایک دوسرے سے ملا۔
شام میں اوپرا ہاؤس میں مہنگے کھانے کھائے جاتے تھے۔
لیکن قربت ممنوع تھی حتیٰ کہ بوسہ دینا بھی۔ ہماری مترجم جولیا ہمیشہ وہاں موجود ہوتی تھی اور ارینا نے بتایا تھا کہ وہ شادی سے پہلے محبت پر سیکس پر یقین نہیں رکھتی۔
جیمز کہتے ہیں کہ میں نے سوچا کہ اس کا اخلاقی معیار بہت بلند ہے اور یقیناً اس کی پرورش بہت اچھی ہوئی ہو گی۔
ارینا سے منگنی
شادی سے آٹھ ماہ پہلے کی دعوت میں اس جوڑے نے ویلا اوٹراڈا میں منگنی کی تقریب کا انعقاد کیا۔
ویڈیو میں دیکھا جا سکتا ہے کہ جیمز ارینا کے ساتھ فلور پر آہستہ آہستہ ڈانس کر رہے ہیں۔ کیمرے میں ہاتھ لہراتے ہوئے وہ مسکرا رہی ہیں اور جیمز سخت انداز میں کھڑے ہوئے ہیں۔
یہ ان کی پہلی ڈیٹ سے پہلے کے گیارہ ماہ کے بعد نومبر 2016 کی بات ہے۔ فنکشن کے روم گلیٹر برس رہا ہے اور وایٹنی ہوسٹن کا گانا گونج رہا ہے ‘Could I Have This Kiss Forever‘۔
جیمز کہتے ہیں کہ انھیں ارینا کے احساسات کے بارے میں کچھ وہم نہیں تھا لیکن وہ اس کی محبت میں گرفتار ہو گئے تھے۔
وہ کہتے ہیں کہ ایسا محسوس ہوتا تھا کہ وہ اپنے ملک میں پھنسی ہوئی ہے۔
وہ کہتے ہیں کہ وہ ذہین تھی اور یوکرین سے باہر اپنا مستقبل بنانا چاہتی تھی۔ یہ تعلق دو دو طرفہ انٹرسٹ کا تھا۔
جیمز انگلش سیکھنے کے لیے ایرینا کی فیس ادا کرنے لگے۔ اس امید کے ساتھ کہ اس سے ارینا کا ان کے ہمراہ برطانیہ جانے کے لیے راستہ بن جائے گا لیکن سفارتخانے کے ساتھ چند بار بات چیت کے بعد یہ واضح ہو گیا تھا کہ ارینا کے یہاں سے جانے میں سرکاری طور پر بہت بڑی رکاوٹیں تھی۔
جیمز کہتے ہیں کہ اس میں بہت سال لگ جانے تھے۔
تو پھر جیمز نے فیصلہ کیا کہ وہ خود یوکرین منتقل ہو جائیں اور نئی زندگی کی شروعات کریں۔ انھوں نے اپنی نوکری چھوڑ دی اور اپنا گھر بیچ دیا۔ پھر ارینا کی جانب سے حوصلہ افزائی پر دونوں نے اوڈیشہ میں ہی ایک ایسی جگہ دیکھنا شروع کر دی جہاں وہ دونوں رہ سکیں۔
جیمز کہتے ہیں کہ گھر کی خریداری کی توقع تھی کیونکہ یہ ہمارے تعلق کو ایک طرح سے پائیداری دے رہا تھا۔ وہ کہتے ہیں کہ پیچھے برطانیہ میں میرے دوست یہ سوچ رہے تھے کہ یہ ایک بڑا قدم ہے لیکن میرے لیے خوش تھے کہ میرا ایک مسقبل ہو گا۔
درحقیقت جیمز کی مشکلات کا بس یہی سے آغاز ہو رہا تھا۔
برطانیہ سے یوکرین میں رقم کی منتقلی کبھی بھی اتنی آسان نہیں رہی۔ یوکرین برطانیہ کے سب سے کرپٹ ترین ممالک میں شامل ہے اور یہاں بینکنگ کے بڑے بڑے سکینڈلز ہوتے رہے ہیں۔ منی لانڈرنگ کنٹرول کا مطلب ہے کہ یہاں پیسوں کی منتقلی کے حوالے سے ایک حد تک رقم بھجوائی جا سکتی ہے اور اگر بہت زیادہ بڑی رقم بھیجی جا رہی ہو تو وہ فوراً لوگوں کی توجہ حاصل کر لیتی ہے۔
تو ایسے میں یہ جیمز کے لیے کوئی بڑا سرپرائز نہیں تھا جب ارینا نے انھیں یہ مشورہ دیا کہ وہ اپارٹمنٹ خریدنے کے لیے غیر معمولی طور پر دو لاکھ امریکی ڈالر کا انتظام کریں۔
ارینا کے ذاتی اکاؤنٹ میں پیسے ڈالنے کے بجائے، جیمز کو بتایا گیا کہ انھیں یہ رقم ان کی دوست کرسٹینا جو کہ ویڈنگ پلانر تھی، کے کمپنی اکاؤنٹ میں ڈالنی چاہیے۔
کچھ بدگمانی کے باوجود جیمز نے کرسٹینا کو رقم بھجوا دی اور جب یہ رقم یوکرین پہنچی تو چیزوں نے ایک غیر حقیقی ٹرن لیا۔
ارینا نے جیمز سے کہا کہ ینک تب ہی رقم جاری کرے گا اگر وہ کرسٹینا سے قانونی طور پر شادی کریں گے۔ یہ ایک رسم ہو گی جو کہ بس 10 منٹ میں ہی رجسٹری آفس میں مکمل ہو جائے گی۔
اب جیمز ایک ناممکن صورتحال میں تھے۔ کچھ ہی دن میں ارینا کی جانب سے یہ دھمکی دی گئی کہ اگر پیسے جاری نہ ہوئے اور انھیں رہنے کے لیے وہ گھر نہ ملا تو وہ شادی کے فیصلے سے پیچھے ہٹ جائیں گی۔
اب جیمز انتشار کا شکار تھے اور ارینا نے انھیں وائبر پر پیغام بھجوایا تم چاہتے ہو کہ میں اپنے خاندان والوں کی نگاہوں میں ایک جسم فروش کی مانند نظر آؤں۔
جیمز کہتے ہیں کہ میں اس سوچ کے ساتھ ڈرا ہوا تھا کہ ان کے خاندان کے علاوہ شادی میں 60 اور لوگ ہیں۔
وہ کہتے ہیں کہ اگر وہ شادی میں آگے نہیں بڑھتے تو وہ سب ان پر گھٹیا پن کا الزام عائد کریں گے کیونکہ ایسا کر کے میں ارینا کی بے عزتی کر رہا ہوتا۔
وہ کہتے ہیں مجھے کہا گیا کہ کرسٹینا سے شادی اور پھر ارینا سے شادی آسان چیز ہو گی۔
چنانچہ جمعہ 10 جولائی سنہ 2017 کو جیمز نے اپنی منگیتر ارینا کی جانب سے حوصلہ دیے جانے پر ویڈنگ پلانر کرسٹینا سٹاکووا سے شادی کر لی۔
جیمز کہتے ہیں کہ ارینا بہت چہک رہی تھی اب وہ بہت خوش تھی۔
وہ کہتے ہیں کہ اس سہ پہر کو پیسے جاری کر دیے گئے اور کرسٹینا اور ارینا نے اعلان کیا کہ تمام کی تمام رقم یعنی 2 لاکھ امریکی ڈالر اپارٹمنٹ پر خرچ کیے گئے ہیں۔
پھر بعد میں انھیں یہ پتہ چلا کہ اپارٹمنٹ کی اصل قیمت 60 ہزار ڈالر تھی اور یہ صرف ان کا ذاتی گھر نہیں تھا بلکہ یہ ان کا اور ان کی قانونی بیوی کرسٹینا کا تھا۔
بعد میں جیمز نے کہا کہ میں ایسا بیوقوف تھا۔
شادی کی دعوت
کرسٹینا سے شادی کے ایک روز کے بعد جیمز کی ٹیکسی ولا اوٹراڈا پہنچی جہاں ان کا اور ارینا کی شادی کا ریسپشن ہونا تھا۔ ان کا پلان تھا کہ وہ قانونی چیزوں سے ہٹ کر باقی سب کچھ کریں۔ ان کا منصوبہ تھا کہ کرسٹینا کو جلدی سے طلاق دینے سے پہلے وہ ارینا کے ساتھ ایک نئے قانونی رشتے میں بندھ جانا چاہتے تھے۔
ہمیشہ کی طرح اس بار بھی جیمز نے ہر چیز کے لیے پیسوں کی ادائیگی کی۔
یوکرین ایک بہت سستا ملک ہے اگر یورپ کے دیگر ممالک کے ساتھ اس کا مقابلہ کیا جائے لیکن آپ کا انداز بھی نہیں ہو گا کہ کرسٹینا نے شادی کی تقریب کا بل 20000 ڈالر بنایا۔
اس تقریب کے وقت ہی جیمز اب سمجھ چکےتھے کہ یہ شادی ایک دھوکہ ہے۔
یہ قیمت بہت زیادہ تھی شاید 60 مہمانوں کو اس شادی میں شرکت کرنے کی قیمت دی گئی تھی۔ حتیٰ کہ ارینا کی والدہ کو بھی شاید پیسے دیے گئے تھے جو کہ مترجم جولیا کی والدہ نکلیں۔
یقینی طور پر وہ خود ہی واحد ایسے شرکت کرنے والے تھے جو ان کے اپنے خیال میں حقیقی حیثیت میں تھے۔
اس وقت جیمز نہیں جانتے تھے کہ ان کی منگیتر ارینا کے شوہر پہلے سے موجود ہیں۔
سرکاری ریکارڈ جسے بی بی سی نے بھی دیکھا ہے کے مطابق ارینا کی شادی ہو چکی تھی اور یہ شادی اگست سنہ 2015 میں اینڈرے سائیکو سے ہوئی تھی اور یہ جیمز سے ان کی شادی کے تین ماہ پہلے کی بات ہے۔
کرسٹینا کی بھی شادی ہو چکی تھی۔ ان کی شادی ڈینیز سے ہوئی تھی جو بظاہر اس کھیل کا اپنی مرضی سے حصہ بنے تھے۔ ہوا یہ تھا کہ جیمز سے شادی کی دستاویز پر دستخط کرنے سے تین ہفتے پہلے ہی کرسٹینا نے ڈینیز سے طلاق لی تھی اور جب یہ دھوکے والی شادی ختم ہو گئی تو انھوں نے سابقہ شوہر سے پھر سے شادی کر لی۔
شادی کی تقریب کی شام جیمز اور ارینا کی قربت کی پہلی رات کچھ تیز ترین اقدامات کیے گئے۔ جیمز کا خیال ہے کہ ارینا کی والدہ کی طرف سے انھیں نشہ آور چیز دی گئی۔
وہ کہتے ہیں کہ انھوں نے مشروبات میں کچھ کیا مجھے یقین ہے کہ مجھے نشہ دیا گیا کیونکہ اسے پینے کے بعد میں زورزور سے ہلنے لگا اور مجھے باہر نکالا گیا۔
جیمز کی وہ رات ہسپتال میں گزری اور اگلے دن ارینا نے اس کے ساتھ جانے سے انکار کر دیا۔ ارینا نے اس پر الزام لگایا کہ وہ شراب کے نشے میں تھے اور انھوں نے ان کے خاندان والوں کے سامنے ان کی تذلیل کی ہے۔
اگلے کچھ ہفتوں تک ارینا نے جیمز سے اپنا فاصلہ برقرار رکھا اور کہا کہ اسے کچھ طبی مسائل ہیں لیکن جیمز اسے دیکھنے کے لیے ہسپتال نہیں جا سکے۔
ارینا نے جیمز کو وائبر پر پیغام بھجوایا کہ میں ہسپتال میں ہوں اور آپ نہیں آ سکتے کیونکہ آپ میرے شوہر نہیں ہیں۔
انھوں نے لکھا کہ پاسپورٹ پر آپ کی بیوی کرسٹینا ہے۔ اس لیے میری والدہ ہی میرے ساتھ رہ سکتی ہیں۔
اب بھی جیمز نے ان کے طبی اخراجات کے لیے انھیں رقم دی۔
آخر کار یہ پاگل پن ختم ہو گیا۔
ایک یوکرینی دوست نے جیمز کو بتایا کہ ان کے اپارٹمنٹ کی اصل قیمت 63000 ڈالر ہے اس رقم سے 140 ہزار ڈالر کم جو انھوں نے ادا کی۔
پھر جیمز کو یہ سمجھ آئی کہ اس خاتون نے انھیں ڈھائی لاکھ ڈالر کا دھوکہ دیا ہے جو ان کی زندگی کی دو تہائی جمع پونچی تھی۔
وہ کہتے ہیں کہ میرا دل ٹوٹ گیا۔ وہ کہتے ہیں کہ یہ انسانی سمجھ سے بالاتر چیزیں تھی کہ لوگ ایسے کرتے ہیں اور اس بارے میں کچھ بھی نہیں سوچتے۔
تاتیانہ ایک سرکاری مترجم ہیں جنھوں نے اس سارے معاملے کی کڑیاں ملانے کی کوشش کی اور جیمز کی مدد کی۔
وہ کہتی ہیں کہ ہم ہر سال اوڈیسہ سے لوگوں کے ساتھ دھوکہ دہی کی کہانیاں سنتے ہیں لیکن یہ ایک الگ لیول کی تباہی تھی۔
انصاف نہیں ملا
جیمز نے شدید ڈپریشن سے بچنے کی کوشش کی اور اپنے پیسوں کی واپسی اور انصاف کے حصول کے لیے کوشاں ہو گئے۔
وہ کہتے ہیں کہ میرے پاس بینک سے رقم کی منتقلی سے متعلق تمام دستاویزات موجود تھیں اور ہمارے درمیان فون پر ہونے والے وائبر ٹیکسٹ میسج بھی موجود تھے اور مجھے یقین تھا کہ یہ معاملہ حل ہو جائے گا۔
وہ چار بار اوڈیسہ پولیس گئے جہاں انھوں نے اپنا بیان دیا اور وہ شواہد دیے جو ان کے پاس جمع تھے۔
وہ کہتے ہیں کئی بار وہ لوگ میرے منھ پر ہنسے۔ یوکرین کی پولیس اور خاص طور پر اوڈیسہ کی پولیس کی جرائم کے خلاف کام کرنے کے حوالے سے بہت بری شہرت کی حامل ہے۔
شادی میں دھوکے اور حتیٰ کہ اس جیسے غیر معمولی کیس بھی ان کی ترجیحات کی فہرست میں بہت نیچے ہیں۔
جیمز کی وکیل اینا کوزرگا کا کہنا ہے کہ ایسے کیسز بھی ہیں جب پولیس کچھ نہیں کرتی ٹس سے مس نہیں ہوتی اور ہمیں انھیں بار بار کہنا پڑتا ہے کہ آپ کارروائی کریں۔
پولیس کو یہ کہنا کہ کارروائی کریں اس کے لیے اکثر رشوت دینی پڑتی ہے لیکن یہ ایک ایسی چیز تھی جس کے لیے جیمز نے انکار کر دیا تھا۔
آگے چل کر ارینا اور کرسٹینا کو پوچھ گچھ کے لیے بلایا گیا لیکن جیمز کی جانب سے دستاویزات کے باوجود کوزرگا کی جانب سے اس پر زور دیے جانے کے باوجود ان پر کوئی چارجز نہیں لگائے گئے۔
بی بی سی نے جیمز کے کیس کے حوالے سے اوڈیسہ کی پولیس سے رابطہ کیا لیکن انھوں نے اس پر بات کرنے سے انکار کر دیا۔
بس پیشرفت صرف یہ ہوئی کہ جیمز کی کرسٹینا سے شادی کو جب بوگس قرار دیا گیا تو انھیں 63000 ڈالر کے اپارٹمنٹ کا واحد مالک قرار دیا گیا۔
وہ اس امید میں ہیں کہ جب کورونا ختم ہو جائے گا تو اس کی قیمت بڑھ جائے گی مگر ایسا کوئی راستہ نہیں کہ وہ دو لاکھ ڈالر کے قریب ہو جائے جو انھوں نے ادا کیے تھے۔
یہ بھی پڑھیے
گیمز کھیلنا
پولیس کی عدم دلچسپی کی وجہ سے جیمز نے اوڈیسہ کے شرلاک ہومز مسٹر رابرٹ پاینیان پر بہت تکیہ کیا۔
وہ کہتے ہیں کہ ہم نے پولیس اور ہر اور جگہ پر درست راستے سے کوشش کی۔
’آپ کو بدقسمتی سے کھیل کے لیے پیسے دینے ہوتے ہیں۔‘
وہ کہتے ہیں کہ گیم کا مطلب یہ کہ تفتیش کاروں کو ایڈوانس میں تین ہزار ڈالر ادا کرنا اور دیگر کوئی بھی رقم واپس دلوانے پر اس میں سے 30 فیصد ادا کرنا تھا۔
پاپیان کے طریقہ کار میں کچھ بھی چھپا ہوا نہیں۔ وہ یہ واضح طور پر تسلیم کرتے ہیں کہ ڈر اور دہشت ان کی جانب سے استعمال کیے جانے والے ہتھیاروں میں سے ایک ہے۔
جب ہم نے ان کے شدتر کا دورہ کیا۔ تین لوگ داخلی دروازے پر موجود تھے۔ مسٹر پاپنیان کا ماننا ہے کہ اس دھوکے کے پیچھے خواتین متحریک تھیں لیکن وہ ان خواتین کے شوہروں کے ذریعے ان سے بات چیت کر رہی ہیں۔
مسٹر پاپنیان نے ان کے نمبر شیئر کیے اور ہم ان تک پہنچے۔ کرسٹینا کے دو مرتبہ شوہر رہنے والے ڈینیز نے ہمیں تصویریں بھجوائیں۔ یہ تصویریں اس گاڑی کی تھیں جس کے بارے میں ان کا کہنا ہے کہ وہ ان کا پیچھا کر رہے تھے۔ انھوں نے شکایت کی کہ مسٹر پاپنیان کے بندے بھتہ خور ہیں۔
ارینا کے شوہر نے جواب دیا کہ کوئی غلط فہمی ہو گی اور ہی بھی کہا کہ وہ ہمارے نمبر اپنے اہلیہ کو دیں گے۔لیکن ارینہ کے نمبر سے کبھی بھی جواب نہیں ملا لیکن ہمیں معلوم ہوا ہے کہ ان کی ڈیٹنگ پروفائل ابھی بھی آن لائن موجود ہے۔
وہ ’بے بی سٹر‘ کے طور پر لسٹ میں موجود تھیں اور انھوں نے لکھا ہوا تھا کہ میرے دل کا تعلق ایک شخص سے ہے فقط ایک سے۔
برطانیہ سے جیمز نے وائبر پر ارینا کے بجائے پاپنیان کو ترجمہ کیے ہوئے پیغامات بھجوائے۔ وہ اب بھی امید کر رہے ہیں شاید انھیں اپنی کچھ اور رقم واپس مل جائے۔
پرائویٹ تفتیش کار نے اپنے حالیہ وائبر میسج میں کہا کہ دو ہفتے پہلے میرے لڑکے اوڈیسہ کے قریب چرنومورک شہر میں ہیں۔
’ہمیں ارینہ اپنے گھر کے قریب ملی۔ ہم نے انھیں 20 جون تک قرض کی دوبارہ ادائیگی کرنی ہے۔‘
جیمز بہت زیادہ پرامید دکھائی دیتے ہیں۔ انھیں ایک اور امدادی ادارے میں نوکری مل گئی ہے اور اب وہ زندگی میں آگے بڑھنا چاہتے ہیں۔
وہ اس کہانی میں اپنی شناخت چھپائے ہوئے ہیں اس کی وجہ یہی ہے کہ وہ اپنے آجر کو اس معاملے پر کسی خطرے کا احساس نہیں دلانا چاہتے۔
اگر آپ کو دس لاکھ ڈالر کا چوتھائی حصہ دھوکے میں نکل جانے کا معاملہ سی وی پر تو اچھا نہیں دکھتا۔
جیمز کہتے ہیں کہ میں نے اپنے خاندان کو نہیں بتایا کہ میرے ساتھ کیا ہوا کیونکہ یہ فقط انھیں پریشان ہی کرے گا۔
وہ کہتے ہیں کہ جو بھی یہ کہانی پڑھے گا کہ وہ کسی اور کو کہے گا کہ کتنا بے وقوف ہے۔ جمیز کہتے ہیں کہ وہ لوگ ٹھیک ہی کہتے ہیں۔
جیمز کہتے ہیں کہ انھوں نے بی بی سی کو اپنی کہانی سننے کا فیصلہ کیا تاکہ وہ ان لوگوں کو خبردار کر دیں جو یوکرین میں رومانس کی تلاش میں ہیں۔
برطانوی دفتر خارجہ نے یوکرین کے لیے اپنی سفری ہدایات میں ردو بدل کیا ہے۔
ویب سائٹ پر لکھا ہوا ہے کہ شادی میں دھوکہ دہی کے واقعات پیش آئے ہیں اور بھتے کی وجہ سے غیر ملکی شہری متاثر ہو رہے ہیں۔
اب ویب سائٹ پر لکھا ہے ’بدقسمتی سے یہ امکان کم ہی ہو گا کہ آپ اگر کسی دھوکے کا شکار ہوں تو آپ کو اپنی رقم واپس مل جائے۔‘
یہ روم فراڈ کیا ہے؟
ایکشن فراڈ کے مطابق یہ رومانس میں دھوکہ دہی ہے جس میں لوگ کو دھوکہ دے کر مجرموں تک پیسہ بھجوایا جاتا ہے۔ یہ وہ لوگ ہیں جن سے لمبے عرصے تک تعلق رکھ کر ان کا اعتماد حاصل کیا جاتا ہے اور انھیں اس بات کا یقین دلایا جاتا ہے کہ دھوکہ دینے والے اور ان کے درمیان حقیقی تعلق ہے۔
اس قسم کے دھوکہ باز لوگ دوسرے شخص کو یہ یہ کہتے ہیں انھیں ایمرجنسی بنیادوں پر پیسوں کی ضرورت ہے طبی امداد کے لیے۔
پیسے کے لیے اگر آپ سے کوئی بھی درخواست کی جائے تو اس پر شک میں رہیے خاص طور پر جب آپ حال ہی میں فقط آن لائن رابطے میں رہے ہوں۔
مشورے کے لیے اپنے اہلِخانہ سے بات کریں یا دوستوں سے۔
ضروری نہیں کہ کسی کی پروفائل پر لگی تصویر اسی کی ہو۔ اس کے لیے ریورسٹ امیج سرچ کریں تاکہ پتہ چل سکے کہ یہ تصویر کہیں اور سے تو نہیں لی گئی۔
اگر آپ کو لگے کہ آپ رومانس میں دھوکے کا شکار ہوئے ہیں تو شرمندہ نہ ہوں آپ اس میں اکیلے نہیں ہیں۔ آپ فوری طور پر اپنے بینک سے رابطہ کریں اور ایکشن فراڈ میں اسے رپورٹ کریں۔
اسی بارے میں
HoustonTexasUnited-statesRomeLazioItalyUnited-kingdomRussiaUkraineRussianSherlock-holmesJuliaa-jamesترکی: طاقتور لہر نے بحری جہاز کو دو حصوں میں تقسیم کردیا
jang.com.pk - get the latest breaking news, showbiz & celebrity photos, sport news & rumours, viral videos and top stories from jang.com.pk Daily Mail and Mail on Sunday newspapers.
TurkeyUkraineAtlantic-cornerTurkeyi-timeவான்கோழிஉக்ரைன்