हवाई सेवा &#

हवाई सेवा दुई दिनदेखि अवरुद्ध


हवाई सेवा दुई दिनदेखि अवरुद्ध
  
शेयर गर्नुहोस:
हुम्ला समाचारदाता
हुम्ला, असार ३० गते । हिमाली जिल्ला हुम्लाको एक मात्र यातायातको साधन हवाई सेवा दुई दिनदेखि अवरुद्ध भएको छ । मङ्गलबार बिहानदैखि कुहिरो लाग्ने र पानी परेका कारण हवाई सेवा अवरुद्ध भएको हो ।
नागरिक उड्डयन प्राधिकरण सिमकोट शाखाका निमित्त प्रबन्धक नबराज कटुवालले दुई दिनदेखि हवाई सेवा अवरुद्ध भएको बताउनुभयो । उहाँले एकातिर खराब मौसम र अर्कोतिर बिहानैबाट कुहिरो लाग्ने, पानी पर्ने भइरहेका कारण नेपालगञ्ज र सुर्खेतमा जहाजहरू सिमकोटका लागि उडान भर्न नसकेको जानकारी दिनुभयो ।
सोमबारदेखि नेपालगञ्ज झर्ने तयारी गरिरहनु भएकी यात्रु सीता कार्कीले उडान नभएपछि सिमकोटमै रोकिनुपरेको बताउनुभयो । यात्रुहरू बिहानैबाट विमानस्थमा जाने तर उडान नभएपछि दिउँसो २ बजे फिर्ता हुने गरेका छन् ।
हवाई सेवा अवरुद्ध भएपछि जिल्लामा भित्रिने ९० जना र जिल्ला बाहिर जाने ७८ जना यात्रु रोकिनु परेको छ । त्यससँगै खाद्यान्न, विकास निर्माण सामग्री र कार्गोको सामान पनि ढुवानी हुन सकेको छैन । यसले विकासे काममा समेत बाधा पु¥याएको छ ।
हवाई सेवा सुचारु नहुँदा तरकारी तथा मासुको पनि समस्या देखिएको छ । त्यसैगरी हवाई सेवा सुचारु नभएपछि राष्ट्रिय वाणिज्य बैङ्कका लागि नेपालगञ्जबाट ल्याउनुपर्ने पैसा पनि आउन सकेको छैन । यसले बैङ्कलाई काम गर्न समस्या भएको छ । सिमकोटमा तारा, सीता र समिट एयरका जहाजहरूले दैनिक १५ भन्दा बढी उडान भर्दै आएका थिए ।
 
यो पनि हेर्नुहोस्
कृष्णमुरारी भण्डारी
सल्लाहकार सम्पादक :
गाेपाल खनाल
सम्पादक :
सूचना तथा प्रशारण विभाग दर्ता:
१५३८/०७६-७७

Related Keywords

Humla , Nepal General , Nepal , Surkhet , Hawaii , United States , Sita Karki , Development Construction , National Commerce , Simkot Branch , Hawaii Service , Mountain District Humla , Simkot Branch Acting , Monday Nepalgunj , நேபால் , ஹவாய் , ஒன்றுபட்டது மாநிலங்களில் , சீதா கார்க்கி , வளர்ச்சி கட்டுமானம் , தேசிய வர்த்தகம் ,

© 2025 Vimarsana