راولپنڈی ( اپنے رپورٹر سے) نالہ لئی میں طغیانی کی صورت میں کسی بھی سیلابی صورتحال سے نمٹنے کیلئے تمام متعلقہ ادارے ہائی الرٹ رہیں، ایک ٹیم کی طرح کام کریں اور بارش کے پانی کی جلد نکاسی کیلئے جامع حکمت عملی بنائی جائے۔ نالہ لئی میں بلڈنگ میٹریل اور کوڑا کرکٹ پھینکنے والوں کے خلاف فوری کارروائی عمل میں لائی جائے۔یہ باتیں رکن قومی اسمبلی شیخ راشد شفیق نےڈپٹی کمشنر راولپنڈی کے ہمراہ ڈسٹرکٹ ڈیزاسٹر مینجمنٹ اتھارٹی کے اجلاس کی صدارت کرتے ہوئے کہیں۔ انہوں نے کہا کہ بارش کی صورت میں تمام متعلقہ افسران فیلڈ میں جاکر نکاسی آب کے عمل کی نگرانی کریں۔ اسلام آباد سے مزید