Live Breaking News & Updates on లక షల ల

Stay informed with the latest breaking news from లక షల ల on our comprehensive webpage. Get up-to-the-minute updates on local events, politics, business, entertainment, and more. Our dedicated team of journalists delivers timely and reliable news, ensuring you're always in the know. Discover firsthand accounts, expert analysis, and exclusive interviews, all in one convenient destination. Don't miss a beat — visit our webpage for real-time breaking news in లక షల ల and stay connected to the pulse of your community

నేర్చుకుంటే చాలు.. లక్షల్లో జీతాలు!

నేర్చుకుంటే చాలు.. లక్షల్లో జీతాలు!
ఫుల్‌ స్టాక్‌ డెవలపర్లకు గిరాకీ
సాంకేతిక నైపుణ్యాలు ఎంత ముఖ్యమో కరోనా కాలం నిరూపించింది. కొవిడ్‌ ఎన్నో రంగాలపై ప్రతికూల ప్రభావం చూపినప్పటికీ, ఐటీ రంగం మాత్రం దీన్ని దీటుగా ఎదుర్కొంది. ఈ రంగంలో కొత్త ఉద్యోగాలు పుట్టుకొస్తున్నాయి. డిజిటల్‌ నైపుణ్యాల కోసం గిరాకీ పెరిగేకొద్దీ, అన్ని కంపెనీలూ ఆయా రంగాల్లో నిపుణుల సంఖ్యను కూడా పెంచుకోవాల్సి ఉంటుంది. అంత కీలకమైనవి కాబట్టి బహుళజాతి సంస్థలు కోడింగ్‌         నైపుణ్యాలపై పట్టు సాధించినవారికి పెద్ద పీట వేస్తున్నాయి; మంచి ప్యాకేజీలతో ఉద్యోగాలు అందిస్తున్నాయి. అలా కంపెనీలు వెతుకుతున్నవారి జాబితాలో ఫుల్‌ స్టాక్‌ డెవలపర్లు ముందు వరుసలో ఉన్నారు!
‘గ్లాస్‌ డోర్‌’’ సంస్థ సమాచారం ప్రకారం- భారత్‌లో ఈ అప్లికేషన్‌ డెవలపర్లకు మార్కెట్‌లో చాలా డిమాండ్‌ ఉంది. వీరికి ఐబీఎం కంపెనీలో రూ. 30 లక్షలు, వీఎం వేర్‌ కంపెనీలో రూ. 24 లక్షలు వార్షిక వేతనం ఇచ్చారు. ప్రాథమిక స్థాయిలో ఈ అప్లికేషన్‌ డెవలప్‌మెంట్‌ నేర్చుకుంటేనే సంవత్సరానికి 6 లక్షల రూపాయిలు ఇచ్చే ఉద్యోగాలు వస్తాయి. ‘పే స్కేల్‌’ సంస్థ ప్రకారం- అమెరికాలో ఈ అప్లికేషన్‌ డెవలపర్ల మూల వేతనం 91,000 డాలర్లు. అంటే సుమారు రూ. 66,00,000.
అక్కడ కరెన్సీ విలువ ఎక్కువ కాబట్టి భారత్‌లో 6 లక్షల రూపాయలైనా అమెరికాలో 91,000 డాలర్లయినా ఒకటే అని మీరు అనుకోవచ్చు. కానీ ఇటీవలి కాలంలో కొత్తగా రిమోట్‌ జాబ్స్‌ కూడా వస్తున్నాయి. అంటే మీ ఇంటి నుంచే అమెరికాలో ఉన్న కంపెనీ కోసం మీరు పని చెయ్యచ్చు. కానీ మీకు అమెరికాలో ఇచ్చే వేతనాలనే ఇస్తారు. అలాంటి ఆకర్షణీయమైన జీతాలను భారత్‌లో మీ ఇంటి నుంచే మీరు సంపాదించవచ్చు. ఈ ఫుల్‌ స్టాక్‌ డెవలప్‌మెంట్‌ నేర్చుకున్నవారికి ఈ దశాబ్దంలో అవకాశాలకు కొదవ లేదని చెప్పవచ్చు!
ఈ ఫుల్‌ స్టాక్‌ గురించి తెలుసుకోవాలంటే ముందు దీనిలో ఉన్న రెండు భాగాల గురించి తెలుసుకోవాలి. ఫ్రంట్‌ ఎండ్‌ డెవలప్‌మెంట్‌, బ్యాక్‌ ఎండ్‌ డెవలప్‌మెంట్‌.
వేటిపై పట్టు ఉండాలి?
ఫ్రంట్‌ ఎండ్‌ డెవలపర్‌ అవ్వడానికి HTML, CSS, Bootstrap, JavaScript, React   లాంటి వాటిపై పట్టు సాధించాలి. బ్యాక్‌ ఎండ్‌ డెవలపర్‌ అవ్వడానికి Java, Python, NodeJS, SQL, Django లాంటి వాటిపై పట్టు సాధించాలి. అంతకంటే ముఖ్యంగా ఒక ప్రోగ్రామర్‌లా ఆలోచించడం నేర్చుకోవాలి. ఎందుకంటే లాంగ్వేజ్‌ తెలిస్తే సరిపోదు; దాన్ని ఉపయోగించి అప్లికేషన్లు తయారు చేయగలిగేవారే కంపెనీలకు కావాలి.
ఒక అప్లికేషన్‌కి సంబంధించిన అన్ని అంశాలు- ఫ్రంట్‌ ఎండ్, బ్యాక్‌ ఎండ్, రెండింటిపై పనిచేయగలిగేవారే ఫుల్‌ స్టాక్‌ డెవలపర్లు. వీరు మొత్తంగా ఒక అప్లికేషన్‌ను సమర్థంగా పనిచేసేలా చూస్తారు.
ఫ్రంట్‌ ఎండ్‌ డెవలప్‌మెంట్‌
ఆన్‌లైన్‌లో షాపింగ్‌ చేయాలంటే వెంటనే అమెజాన్‌ లేదా ఫ్లిప్‌కార్ట్‌ లాంటి వెబ్‌సైట్‌లోకి వెళతాం. కొనాలనుకున్న వస్తువులన్నీ అక్కడ రంగుల్లో ఒక పద్ధ్దతిలో చక్కగా అమర్చివుంటాయి. ఒక వస్తువు బొమ్మపై క్లిక్‌ చేయగానే ఆ వస్తువు వివరాలతో మరొక కొత్త వెబ్‌ పేజీ తెరుచుకుంటుంది. కావాల్సిన వస్తువుల పరిమాణం మారుస్తుంటే వెబ్‌సైట్‌ మొత్తం మారకుండా ఆ వస్తువు పరిమాణం మాత్రమే మారుతుంది. ఇలా కనపడుతూ మనం ఇంటరాక్ట్‌ అవ్వడానికి వీలు కల్పించేదాన్ని ఫ్రంట్‌ ఎండ్‌ అంటారు. ఇలా ఏదైనా వెబ్‌సైట్‌ని మనం వాడడానికి సులభతరంగా ఉండేలా, అందంగా ఆకట్టుకునేలా తీర్చిదిద్దేవారే ఫ్రంట్‌ ఎండ్‌ డెవలపర్లు. చూడటానికీ, యూజర్‌ ఉపయోగించడానికీ అనుగుణంగా ఎలా ఉండాలన్న దానిపైనే వీరు పని చేస్తారు.
రెస్పాన్సివ్‌ వెబ్‌ డిజైన్‌
మనం మొబైల్, లాప్‌ టాప్, టాబ్లెట్‌ లాంటి వివిధ రకాల పరికరాలను వాడుతూ ఉంటాం. ఇవి ఒకటి పెద్దగా, ఒకటి చిన్నగా వేర్వేరు పరిమాణాల్లో ఉంటాయి కదా! డెవలపర్లు ఒక వెబ్‌సైట్‌ని లాప్‌టాప్‌కి విడిగా, టాబ్లెట్‌కి విడిగా, మొబైల్‌కి విడిగా రూపొందిస్తూ ఉంటారా?
అలా చేస్తే చాలా సమయం వృథా అవుతుంది కదా! అలా కాకుండా ‘రెస్పాన్సివ్‌ వెబ్‌ డిజైన్‌’ అనే విధానాన్ని ఉపయోగిస్తారు. ఈ పద్ధతిలో వెబ్‌సైట్‌ని ఒక్కసారి డెవలప్‌ చేస్తే, అన్ని పరికరాల్లో వాటి తెర పరిమాణానికి తగ్గట్టుగా దానికదే (ఆటోమేటిక్‌) మారిపోతూ ఉంటుంది. ఈమధ్య కొత్తగా ఏదైనా వెబ్‌సైట్‌ని రూపొందించాలంటే ఈ రెస్పాన్సివ్‌ వెబ్‌ డిజైన్‌నే వాడుతున్నారు, అందుకే ఇది చాలా ముఖ్యమైనది.
క్రాస్‌ ప్లాట్‌ఫామ్‌ డెవలప్‌మెంట్‌
మొబైల్లో అయితే ఆండ్రాయిడ్‌/ఐఓఎస్, లాప్‌టాప్‌లో అయితే విండోస్‌.. ఇంకా ఎన్నోరకాల ఆపరేటింగ్‌ సిస్టమ్స్‌ ఉంటాయి. అప్లికేషన్‌ డెవలపర్లు ఆండ్రాయిడ్‌ కోసం ఒక ప్రోగ్రామింగ్‌ లాంగ్వేజ్‌నూ, ఐఓఎస్‌ కోసం వేరొక ప్రోగ్రామింగ్‌ లాంగ్వేజ్‌నూ ఉపయోగించాల్సి ఉంటుంది. దానికి చాలా సమయం పడుతుంది. అలా కాకుండా, వెబ్‌ సైట్లకు రెస్పాన్సివ్‌ వెబ్‌ డిజైన్‌ టూల్స్‌ ఎలా ఉంటాయో, ఆప్స్‌కి కూడా క్రాస్‌ ప్లాట్‌ఫామ్‌ డెవలప్‌మెంట్‌ టూల్స్‌ ఉంటాయి. అంటే వీటితో ఆప్‌ని ఒక్కసారి డెవలప్‌ చేస్తే ఆండ్రాయిడ్‌ అయినా, ఐఓస్‌ అయినా రెండిట్లోనూ పనిచేస్తుంది.
ఇలాంటి క్రాస్‌ ప్లాట్‌ఫామ్‌ డెవలప్‌మెంట్‌ టూల్స్‌లో రియాక్ట్‌ నేటివ్, ఫ్లట్టర్‌ ప్రముఖమైనవి. రియాక్ట్‌ నేటివ్‌ని ఫేస్‌ బుక్‌ కంపెనీ డెవలప్‌ చేసింది. ఇన్‌స్టాగ్రామ్, మింత్ర లాంటి పెద్ద కంపెనీలు దీన్ని వాడుతున్నాయిు. ఫ్లట్టర్‌ని గూగుల్‌ కంపెనీ డెవలప్‌ చేసింది. గూగుల్‌ పే, ఈబే లాంటి కంపెనీలు దీన్ని వాడుతున్నాయి.   బ్యాక్‌ ఎండ్‌ విషయానికి వస్తే.. ఓలా, ఉబర్‌ లాంటి అప్లికేషన్లను మనం తరచూ వాడుతుంటాం. అందులో మనం ఒక రైడ్‌ రిక్వెస్ట్‌ చెయ్యగానే దగ్గరలో ఉన్న డ్రైవర్లకు మన రైడ్‌ రిక్వెస్ట్‌ వెళ్తుంది. ఒక డ్రైవర్‌ మన రిక్వెస్ట్‌ అంగీకరించగానే, తక్కువ వ్యవధిలోనే రైడ్, ఆ డ్రైవర్‌ల వివరాలు ఒక నోటిఫికేషన్లో వస్తాయి.
గమనించారా..? మనం కేవలం ఒక రైడ్‌ రిక్వెస్ట్‌ పెట్టగానే ఇవన్నీ వాటికవే జరిగిపోతున్నాయి. అవి ఎలా జరుగుతున్నాయి? అలా జరగడానికి ఒక సాఫ్ట్‌వేర్‌ డెవలప్‌ చేస్తారు. ఆ సాఫ్ట్‌వేర్‌ సర్వర్‌లో రన్‌ అవుతుంది. సర్వర్‌ అంటే ఒక కంప్యూటర్‌ లాగా మనం అనుకోవచ్చు. ఇలాంటి సాఫ్ట్‌వేర్‌ని రూపొందించడమే బ్యాక్‌ ఎండ్‌ డెవలప్‌మెంట్‌! అలా సాఫ్ట్‌వేర్‌ని డెవలప్‌ చేసేవారే బ్యాక్‌ ఎండ్‌ సాఫ్ట్‌వేర్‌ డెవలపర్లు.
ఫ్లిప్‌ కార్ట్‌ బిగ్‌ బిలియన్‌ డే సేల్, అమెజాన్‌ గ్రేట్‌ ఇండియన్‌ ఫెస్టివల్‌ సేల్‌ లాంటివి తెలిసేవుంటాయి. అలాంటి రోజుల్లో అమెజాన్‌లో, ఫ్లిప్‌కార్ట్‌లో లక్షలమంది వినియోగదారులు వివిధ రకాల వస్తువులు కొంటూ ఉంటారు. ఇలా లక్షల్లో వస్తున్న అభ్యర్థనలను సజావుగా నిర్వహించేలా బ్యాక్‌ ఎండ్‌ సాఫ్ట్‌వేర్‌నీ, ఆ సర్వర్లనూ తయారుచేసుకోవడం, సర్వర్ల సంఖ్యను పెంచుకోవడం లాంటివి కూడా సాధారణంగా బ్యాక్‌ ఎండ్‌ డెవలపర్లే చూసుకుంటారు.
నాలుగున్నర నెలల్లో..
ఫుల్‌స్టాక్‌ డెవలపర్‌ అవ్వాలంటే.. కోర్స్‌ఎరా, యుడెమి లాంటి వేదికలు అందించే కోర్సుల్లో చేరవచ్చు. మరెన్నో సంస్థలు ఈ శిక్షణను అందిస్తున్నాయి. ఉదాహరణకు చెప్పాలంటే.. సీసీబీపీ టెక్‌ 4.0 ఇంటెన్సివ్‌ ప్రోగ్రాంతో 4.5 నెలల్లోనే ఫుల్‌ స్టాక్‌ డెవలప్‌మెంట్‌ నేర్చుకోవచ్చు. ఈ ప్రోగ్రాంలో చేరటానికి కోడింగ్‌పై ఎటువంటి అవగాహనా అవసరం లేదు. పూర్వానుభవంతో, విద్యార్హతలతో సంబంధం లేకుండా నేర్చుకోవచ్చు. ccbp.in/intensive వెబ్‌సైట్‌లో వివరాలు తెలుసుకోవచ్చు. నైపుణ్యాలు ఉన్నవారు సంవత్సరానికి 4.5 లక్షల నుంచి 9 లక్షల రూపాయిల వార్షిక వేతనంతో ఉద్యోగం సాధించే అవకాశం ఉంటుంది!
- రాహుల్‌ అత్తులూరి,
సీఈఓ నెక్స్‌ట్‌
Tags :

న-ర-చ-క-ట , చ-ల , లక-షల-ల , జ-త-ల , Eenadu , Chaduvu , Article , Enough , To , Learn , Salaries

పెట్టుబడి రూ.100... లాభం లక్షల్లో!

పెట్టుబడి రూ.100... లాభం లక్షల్లో!
బాల్యం నుంచి వ్యాపార రంగంలో అడుగుపెట్టాలని ఆమె కల.. తెలిసిన పాకశాస్త్రాన్నే ఎంచుకుని.. లాభాలు గడించింది. అంతలోనే చోరీకి గురైన ఆమె దుకాణం నష్టాల్లోకి నెట్టేసింది చేతిలో పైసా లేదని కూర్చోలేదు రూ.100 పెట్టుబడితో తిరిగి వ్యాపారిగా నిలదొక్కుకుంది తనను నమ్ముకున్న మహిళలందరికీ తిరిగి ఉపాధిని కల్పించింది  స్ఫూర్తి కథనాలు చదివి ఎదిగిన ఈమె మరెందరికో మార్గదర్శకంగా నిలిచింది.  ఉత్తమ వాణిజ్యవేత్తగా అవార్డునూ అందుకుందీ... కేరళకు చెందిన ఇలవరసీ జయకాంత్‌.  జీరో స్థాయి నుంచి ఎదిగి తనను తాను నిరూపించుకున్న ఈమెపై స్ఫూర్తి కథనం...
ఇలవరసీ ఇంట్లో తాతల కాలం నుంచి తల్లిదండ్రుల వరకు అందరూ స్వీట్లు, కారాలు, చిప్స్‌ తయారుచేసేవారు. వాటిని ఇంటింటికీ తిరిగి విక్రయించేవారు. చుట్టుపక్కల గ్రామాల్లో వారితోపాటు తాను కూడా అమ్ముతూ, తన వంతు సాయం చేసేదీమె. అలాగే అమ్మమ్మ, అమ్మతో కూర్చుని వారు వండే వంటకాల గురించి తెలుసుకుంటూ, అడిగి తయారుచేయడమెలాగో నేర్చుకునేది. తానూ పెద్దైన తరువాత  వారిలాగే ఇదే రంగంలో అడుగుపెట్టి మంచి వ్యాపారవేత్తగా ఎదగాలని చిన్నప్పటి నుంచి కలలు కనేది.
పెళ్లై అత్తారింటికి వచ్చిన ఆమెకి మనసులో ఆలోచన మాత్రం అలాగే ఉండిపోయింది. భర్తతో తన కల గురించి చెప్పింది. అత్తింటి సహకారంతో పలురకాల స్వీట్లు, స్నాక్స్‌ చేసి ఇంటికి చుట్టుపక్కల ఉండే దుకాణాలకు అమ్మేది. వినియోగదారులు ఇష్టపడితే వాటిని మళ్లీ వండి తీసుకొస్తానని చెప్పేది. అలాగే పొరుగువారికీ తన వంటల రుచిని చూపించేది. అలా కొన్నాళ్లకు ఇలవరసీ వంటల రుచికి అందరూ ఫిదా అయిపోయేవారు. ఇళ్లకు, చిన్నచిన్న దుకాణాలకు మాత్రమే కాకుండా చిన్న సూపర్‌మార్కెట్‌లా తెరవాలనుకుంది. అదే విషయం భర్తకు చెప్పి, ఆయన అనుమతితో త్రిసూరులో ప్రారంభించాలనుకున్నారు. దాంతో అప్పటివరకు పొదుపు చేసిన నగదుతోపాటు, తెలిసినవారి వద్ద, బ్యాంకులో రుణాన్ని తీసుకుని రూ.50 లక్షలు పెట్టుబడితో పదేళ్లక్రితం చిన్న మార్ట్‌ను ప్రారంభించింది. ఇందులో రకరకాల స్నాక్స్‌, చిప్స్‌ను ప్రత్యేకంగా ఉంచేది.
విక్రయాలు పెరిగి..
ఇలవరసి వంటకాలను ఎక్కడెక్కడి నుంచో వచ్చి కొనుగోలు చేసేవారు. నెమ్మదిగా వ్యాపారం అభివృద్ధి చెందింది. 50 మంది పేద మహిళలకు అందులో ఉపాధిని కల్పించింది.  వినియోగదారుల అభిరుచినీ దృష్టిలో ఉంచుకుని రకరకాల వంటకాలను తయారుచేసేదీమె. అలా హల్వా, కేకులు, చిప్స్‌ నుంచి కూరగాయలు, నిత్యావసరవస్తువుల సంఖ్యనూ పెంచింది. నెమ్మదిగా అప్పులు తీరుస్తున్న సమయానికి అనుకోని సంఘటన చోటు చేసుకుంది. ఓ అర్ధరాత్రి  దుకాణంలో దోపిడి జరిగింది. ఓవైపు బ్యాంకు రుణం, తెలిసినవారి వద్ద తీసుకున్న అప్పులు ఆమెను చుట్టుముట్టాయి. దాంతో తీవ్ర అనారోగ్యంతో ఆసుపత్రిపాలైంది.
కొన్ని నెలలపాటు ఆసుపత్రిలోనే గడిపిన తనకు జీవితమేంటో తెలిసింది అని చెబుతోందీమె. ‘ఆసుపత్రి నుంచి వచ్చాక తిరిగి వ్యాపారం మొదలుపెడదామనుకున్నా. చేతిలో చిల్లిగవ్వ లేదు, ఇంట్లోవాళ్లు వద్దన్నారు. అప్పటికి చేతిలోని రూ.100 పెట్టుబడి అయ్యాయి. ‘అశ్వతి హాట్‌ చిప్స్‌’ పేరుతో త్రిసూరు రైల్వేస్టేషన్‌ వద్ద చిన్న కొట్టు తెరిచా.   గారెలు, చిప్స్‌ను రైలు ప్రయాణికులకు విక్రయించేదాన్ని. అలా కొన్నినెలలపాటు కష్టపడ్డా. నా కష్టం చూసి కుటుంబం అండగా నిలబడింది. అలా ఆర్నెళ్లలో వ్యాపారం నిలదొక్కుకుంది. ఎనిమిదేళ్లలో మొత్తం అప్పులు తీరిపోగా, మరో నాలుగు శాఖలనూ ప్రారంభించాం. ఇప్పుడు నెలకు అయిదు లక్షల రూపాయలను సంపాదించగలుగుతున్నా. మరికొందరు మహిళలకు ఉపాధినీ చూపించగలిగా. నా పట్టుదల, కృషికి గుర్తింపుగా 2019లో ‘ఇంటర్నేషనల్‌ పీస్‌ కౌన్సిల్‌ యుఏఈ అవార్డు’ పేరుతో ఉత్తమ వాణిజ్యవేత్తగా పురస్కారాన్ని అందుకున్నా’ అని చెబుతోంది ఇలవరసి.
Tags :

ప-ట-బడ , ర-100 , ల-భ , లక-షల-ల , Eenadu , Vasundhara , Article , General , 1001 , 121052513 , Business