Nigeria 'unknown gunmen' attacks: Wike, Atiku, Ortom, Sani, Banky W, Nigerians react 27 April 2021, 16:01 WAT New Informate 54 minutes wey don pass Wia dis foto come from, Geraldmjay Govnor of Rivers State, Nyesom Wike, say di present insecurity and unchallenged killings of citizens across Nigeria na clear bad leadership. And sake of dat, di govnor say Nigeria don collapse. Di number one citizen of di oil rich Nigerian state tok dis one on Tuesday for Goment House Port Harcourt. Wike add say, leaders no dey bold to speak against di bad tins wey dey happen for di land. Di state govnor add say instead of Nigerian leaders to sincerely pursue solutions, dem dey pretend say everitin dey okay.