Live Breaking News & Updates on Telugu top stories

Stay informed with the latest breaking news from Telugu top stories on our comprehensive webpage. Get up-to-the-minute updates on local events, politics, business, entertainment, and more. Our dedicated team of journalists delivers timely and reliable news, ensuring you're always in the know. Discover firsthand accounts, expert analysis, and exclusive interviews, all in one convenient destination. Don't miss a beat — visit our webpage for real-time breaking news in Telugu top stories and stay connected to the pulse of your community

సంబరాల ఉగాది

ఫలితాలు రాక ముందే పండుగలన్నీ వచ్చి వెళ్తే చాలా మంచిది. ఈ ఉగాది గ్రేట్‌... అలాగే వచ్చింది. ఫలితాలు వెలువడ్డా ‘ఒకరికి మోదం, ఒకరికి ఖేదం...’ తప్పదు. ఈసురోమంటూ పండుగ చేసుకుంటే ఏం బావుంటుంది. ఎన్నికలు ముగిసి, ఓట్ల లెక్కింపు మొదలెట్టని సంబరాల ఉగాది

స-బర-ల , ఉగ-ద , Eenadu , Vyakyanam , Article , General , 1302 , 121075573 , Top-news , Today-news , Today-breaking-news

ఎంబీఏకు రెండు దారులు!

మేనేజ్‌మెంట్‌ ఆశావహులు సన్నద్ధమవ్వాల్సిన సమయమిది! ఎంబీఏ ప్రవేశానికి ప్రకటనలు వరుసగా వెలువడుతున్నాయి. ఎంబీఏకు రెండు దారులు!

ఎ-బ-ఏక , ర-డ , ద-ర-ల , Eenadu , Chaduvu , Article , Two , Paths , To , An , Mba

సర్వాంగ శక్తి!

సర్వాంగ శక్తి!
ఒక్క ఆసనంతోనే అన్ని అవయవాలు పుంజుకోవాలని అనుకుంటున్నారా? అయితే సర్వాంగాసనాన్ని సాధన చేయండి.
చేసే విధానం
* చేతులను పక్కలకు చాపి, వెల్లకిలా పడుకోవాలి.
* మోకాళ్లను వంచుతూ మడమలను తుంటి దగ్గరకు తీసుకురావాలి.
* ఒక్క ఉదుటున కాళ్లను, తుంటిని, నడుమును పైకి లేపాలి. తల, మెడ, మోచేతులు నేలకు ఆనించి ఉంచాలి. వీపునకు అర చేతులను గట్టిగా ఆనించి, దన్నుగా ఉండేలా చూసుకోవాలి.
* మోచేతులతో నేలను నొక్కుతూ కాళ్లను తిన్నగా పైకి చాచాలి. కాలి వేళ్లు ముక్కుకు సమాంతరంగా ఉండేలా చూసుకోవాలి.
* బరువు మోచేతులు, చేతి పైభాగాల మీదే పడేలా జాగ్రత్త పడాలి. బరువును తల, మెడ మీద పడనీయొద్దు. మెడను నేలకు నొక్కొద్దు. కావాలంటే మెడ కండరాలను కాస్త బిగిస్తూ మెడ బిగుతుగా ఉండేలా చూసుకోవచ్చు. ఛాతీ ముందు భాగంతో చుబుకాన్ని నొక్కాలి. (మెడ మీద ఒత్తిడి పడుతున్నట్టు గమనిస్తే ఆసనాన్ని ఆపెయ్యటం మంచిది).
* కళ్లను మూసుకొని, గాఢంగా శ్వాస తీసుకుంటూ 30-60 సెకండ్ల పాటు అలాగే ఉండాలి.
* అనంతరం నెమ్మదిగా యథాస్థితికి రావాలి. ముందుగా మోకాళ్లను నుదుటికి తాకించాలి. అరచేతులు నేల వైపు ఉండేలా చేతులను నేలకు ఆనించాలి. తలను పైకి లేపకుండా నెమ్మదిగా వెన్నెముకను క్రమంగా కిందికి తీసుకురావాలి. కాళ్లను తిన్నగా చాచి ఒక నిమిషం సేపు విశ్రాంతి తీసుకోవాలి.
* విశ్రాంతి తీసుకున్న తర్వాత మత్స్యాసనం లేదా భుజంగాసనం వేయటం మంచిది. ఇవి రెండూ వేసినా మేలే.
లాభాలు
మెదడు, ఊపిరితిత్తులు, గుండె బలోపేతమవుతాయి. రక్తం శుద్ధి అవుతుంది. జీర్ణశక్తి ఉత్తేజితమవుతుంది. అనవసరమైన కొవ్వు కరుగుతుంది. కళ్లు, చెవులు, నోటి సమస్యలు తగ్గుతాయి. కాళ్లు పైకి ఉండటం వల్ల గుండెకు మరింత ఎక్కువగా రక్తం సరఫరా అవుతుంది. మెదడు, మెడ నాడులు చురుకుగా తయారవుతాయి. మానసిక శక్తి, జ్ఞాపకశక్తి పెంపొందుతాయి. ఇది విద్యార్థులకు ఎంతగానో ఉపయోగపడుతుంది.
చేయకూడనివారు
అధిక రక్తపోటు, గుండెజబ్బులు, చెవిలో చీము, తీవ్రమైన మెడనొప్పితో బాధపడేవారు.. అలాగే గర్భిణులు దీన్ని వేయరాదు. ఆయా జబ్బులు నయమైన తర్వాత వేసుకోవచ్చు.
Tags :

సర-వ-గ , శక-త , Eenadu , Sukhibava , Article , Sarvanga , Asana , 0812 , 121076215 , Sarvanga-asana , సర-వ-గ-ఆసన

గణాంక నైపుణ్యాలుంటే...ఘనమైన కొలువు!

గణాంక శాస్త్రం (స్టాటిస్టిక్స్‌)లో అత్యున్నత ఉద్యోగాల భర్తీకి నిర్వహించే ఇండియన్‌ స్టాటిస్టికల్‌ సర్వీస్‌ (ఐఎస్‌ఎస్‌) ప్రకటన వెలువడింది. గణాంక నైపుణ్యాలుంటే...ఘనమైన కొలువు!

గణ-క , న-ప-ణ-య-ల-ట-ఘనమ , క-ల-వ , Eenadu , Chaduvu , Article , If , You , Have , Statistical , Skills

పొట్ట త్వరగా తగ్గాలంటే...

పొట్ట ఎక్కువగా ఉంటే... చీర కట్టుకున్నా... ఆధునిక దుస్తులు వేసుకున్నా ఇబ్బందే. ఈ ఆసనాలతో సులువుగా పొట్టను తగ్గించుకోవచ్చు. చూడచక్కని ఆకృతిని సొంతం చేసుకోవచ్చు. పొట్ట త్వరగా తగ్గాలంటే...

ప-ట , త-వరగ , తగ-గ-ల-ట , Eenadu , Vasundhara , Article , General , 1002 , 121074837 , Stomach , Tummy

బలవంతపు వసూళ్ల మహాజాడ్యం

ఉప వ్యాఖ్యానం
బలవంతపు వసూళ్ల మహాజాడ్యం
మూడు దశాబ్దాల క్రితం ముంబయి మహానగరం కరడు గట్టిన అధోజగత్‌ నేరగాళ్ల (అండర్‌ వరల్డ్‌ డాన్‌) కార్యక్షేత్రంగా పేరెన్నికగన్నది. హత్యలు, కిడ్నాపులు, బలవంతపు వసూళ్లతో నాడు ముంబయిని గడగడలాడించిన వాళ్లలో ఒకడైన అరుణ్‌ గావ్లీకి రెండు పుష్కరాల క్రితం భారత ప్రజాస్వామ్య బోధివృక్షం కింద హఠాత్తుగా జ్ఞానోదయమైంది. తన పేరు చెబితేచాలు- ఎంతటివారైనా హడలిపోయి కప్పాలు కట్టేలా నేర సామ్రాజ్యాన్ని ఎంతగా విస్తరించినా, ఏదో ఒకనాడు పోలీసుల ఎదురుకాల్పుల్లో నేలరాలిపోయే ప్రమాదాన్ని గుర్తించిన అతగాడు- 1997లో అఖిల భారతీయ సేన పేరిట పార్టీ పెట్టేశాడు. తనపై మూడు డజన్లదాకా కేసులున్నా నిమ్మకు నీరెత్తినట్లు పోలీసులనే అంగరక్షకుల్ని చేసుకొని నింపాదిగా రాజకీయ చదరంగం ఆడుతున్నాడు. ‘డాన్‌’ ముదిరి రాజకీయ నాయకుడయ్యాక వ్యత్యాసాలు చెదిరిపోయాయి. దరిమిలా పొలిటీషియన్లు మరింత నాజూగ్గా తమ కార్య కుశలతకు పదునుపెట్టి, తమ చేతికి మట్టి అంటకుండా పనులు చక్కబెట్టుకొనే పాటవ ప్రదర్శనకు సమకట్టడంలో తప్పేముంది? ప్రపంచంలోనే అత్యంత భారీగా కుబేరులు పోగుపడిన నగరాల్లో ఎనిమిదో స్థానంలో ఉన్న బృహన్‌ ముంబయిలో- ధనస్వామ్య దాదాగిరీకి సాక్షాత్తు రాష్ట్ర హోంశాఖ అమాత్యుడే పాల్పడ్డాడన్న ఆరోపణలు అక్కడి పోలీసు పెద్దల ముఖతానే వెలువడ్డాయి. ముఖేష్‌ అంబానీ ఇంటి ముందు పేలుడు పదార్థాల వాహనం నిలిపి ఉంచడంతో మొదలైన నేర కథ- రాష్ట్ర హోంమంత్రి పదవీ పీఠానికే ఎసరు తెచ్చి నేరగ్రస్త రాజకీయాల రసవద్ఘట్టాన్ని కళ్లకు కడుతోంది. అదేంటో చిత్తగించండి!
ముఖేష్‌ అంబానీ నివాసం వెలుపల భారీగా పేలుడు పదార్థాలున్న వాహనాన్ని కనుగొన్న దరిమిలా ఆ వాహన యజమాని మన్‌సుఖ్‌ హీరేన్‌ హత్యకు గురి కావడం- యావత్‌ దేశాన్నీ దిగ్భ్రాంతపరచిన పరిణామం. ఆరు వారాలుగా ఆ కేసు లోతుపాతుల్ని తవ్వుతున్న ఎన్‌ఐఏ- ముంబయి పోలీసు అసిస్టెంట్‌ ఇన్‌స్పెక్టర్‌ సచిన్‌ వాజేను అదుపులోకి తీసుకోవడం- కుట్రలో అతి చిక్కని చీకటి కోణం! ఇంత భారీ నేరం జరిగినా సమర్థంగా వ్యవహరించలేకపోయారంటూ ముంబయి పోలీస్‌ కమిషనర్‌ పరమ్‌వీర్‌ సింగ్‌ను మహారాష్ట్ర ప్రభుత్వం బదిలీ చేసింది. బదిలీ ఉత్తర్వులు అందుకొన్న సింగ్‌- హోంమంత్రి అనిల్‌ దేశ్‌ముఖ్‌ తన కింది అధికారులకు బలవంతపు నెలవారీ వసూళ్ల లక్ష్యాలు నిర్దేశించారంటూ ముఖ్యమంత్రికి రాసిన లేఖ సంచలనం సృష్టించింది. ఎన్‌ఐఏ కస్టడీలో ఉన్న సచిన్‌ వాజే సైతం అనిల్‌ దేశ్‌ముఖ్‌తో పాటు మరో మంత్రి అనిల్‌ పరబ్‌పైనా బలవంతపు వసూళ్ల ఆరోపణలు గుప్పించడం పెను రాజకీయ దుమారమే రేపింది. ముంబయి హైకోర్టులో దాఖలైన ప్రజా ప్రయోజన వ్యాజ్యం విచారణకు వచ్చే ముందు రోజు ఉద్ధవ్‌ ఠాక్రే ప్రభుత్వం ఆ మొత్తం వ్యవహారంపై న్యాయ విచారణకు ఆదేశించినా ప్రయోజనం లేకపోయింది. హోంమంత్రిపై వచ్చిన అభియోగాల తీవ్రత దృష్ట్యా- వాస్తవాల్ని వెలికి తీయడానికి నిష్పాక్షిక విచారణ సాగాల్సిందేనంటూ ముంబయి హైకోర్టు సీబీఐ ప్రాథమిక దర్యాప్తునకు ఆదేశించగానే, హోంమంత్రివర్యులు రాజీనామా చేసి నిష్క్రమించాల్సి వచ్చింది. హైకోర్టు ఆదేశాల నిలుపుదలకు తాజాగా సుప్రీంకోర్టు అంగీకరించకపోవడంతో- పక్షం రోజుల్లో ప్రాథమిక విచారణ పరిసమాప్తికి సీబీఐ హుటాహుటిన కదిలింది. ముంబయిలోని దాదాపు 1650 బార్లు రెస్టారెంట్ల నుంచి తలా రూ.3-3.50 లక్షల వంతున వసూలు చేసి నెలకు వందకోట్లు తనకు ముడుపు కట్టాలని హోంమంత్రి ఆదేశించారన్నది నేరాభియోగాల సారాంశం. వ్యవస్థీకృత నేరగాళ్ల వర్గంగా పోలీసుల్ని లోగడ సుప్రీం న్యాయపాలికే దునుమాడిన నేపథ్యంలో- తన కోసం ఆ మాత్రం చేయలేరా... అన్నది అమాత్యుల వారి ఆలోచన అయి ఉండవచ్చు, పాపం! ఈ దర్యాప్తు ప్రకంపనలు అనిల్‌ దేశ్‌ముఖ్‌తో ఆగవని, మరికొందరి పీఠాలూ కదులుతాయని కమలనాథులు చెబుతున్న జోస్యం- మహారాష్ట్ర రాజకీయాల్ని మరింత ఉద్విగ్న భరితం చేయడం ఖాయం!
కొవిడ్‌ నిబంధనల్ని ఉల్లంఘించిన నేరానికి ప్రధానమంత్రికే 2,352 డాలర్ల జరిమానా విధించిన నార్వే పోలీసుల కర్తవ్య దీక్ష మనకు ఏమాత్రం మింగుడు పడనిది. దేశీయంగా అన్ని రకాల అవినీతికీ తల్లివేరు రాజకీయ అవినీతి. నేరగాళ్లకు అభ్యర్థిత్వాల అంబారీ కట్టే పార్టీల పుణ్యమా అని అలాంటి వాళ్లే చట్టసభలకు దర్జాగా నెగ్గుకు రాగలిగే వాతావరణమూ సువ్యవస్థీకృతమైన దేశం మనది. మొదలు మోదుగ పూస్తే, కొసకు సంపెంగ కాస్తుందా? ఇటీవలి దాకా మహారాష్ట్ర మంత్రివర్గంలో 42 మంది సచివులుంటే అందులో 27 మందిపై క్రిమినల్‌ కేసులున్నాయి. వారిలోనూ 18 మందిమీద హేయ నేరాలకు సంబంధించిన అభియోగాలు పెండింగులో ఉన్నాయి. ఇలాంటి సరకులో అంతర్భాగమైన ఓ మంత్రి బలవంతపు వసూళ్లకు ప్రేరేపించారన్నా, మరోమంత్రి ఓ టిక్‌టాక్‌ స్టార్‌ ఆత్మహత్య కేసులో నిందితుడిగా పదవి కోల్పోయాడన్నా ఆశ్చర్య పోవాల్సిందేముంది? తీవ్ర నేరాభియోగాలు ఎదుర్కొంటున్నవారే మంత్రులుగా, ముఖ్యమంత్రులుగా చక్రం తిప్పగల సౌలభ్యం బహుశా ఇండియాలో తప్ప వేరెక్కడుంది? దేశీయంగా 22 రాష్ట్రాలకు చెందిన 2,556 మంది ఎమ్మెల్యేలు, ఎంపీలపై క్రిమినల్‌ నేరాభియోగాలున్నట్లు; మాజీల్ని కూడా కలిపితే ఆ సంఖ్య 4,442 కు చేరుతున్నట్లు కోర్టు సహాయకుడి (అమికస్‌ క్యూరీ)గా విజయ్‌ హన్సారియా నిరుడు సెప్టెంబరులో ‘సుప్రీం’ న్యాయపాలికకు నివేదించారు. ప్రత్యేక కోర్టులు పెట్టి పాపపంకిల వ్యవస్థను ప్రక్షాళించాలన్న సత్సంకల్పాలు మోతెక్కుతున్నా- ఎక్కడా శిక్షల జాడే కానరావడం లేదు!
ఒకనాటి త్యాగధనులు తమ సర్వస్వాన్నీ త్యజించి స్వాతంత్య్రం తెస్తే- ఈనాటి నేతలు సమస్త విలువల్నీ త్యాగంచేసి ధనరాసులు పోగేసుకొనే విధ్యుక్త ధర్మ నిర్వహణలో నిష్ఠగా పరిశ్రమిస్తున్నారు. కాబట్టే అవినీతి పూరిత దేశాల జాబితాలో మరో ఆరుస్థానాలు దిగజారి ఇండియా పరువుమాస్తోందిప్పుడు! ఖాకీ దండధరుల్నే వసూల్‌ రాజాలుగా మార్చి సొంతలాభం సాంతం చూసుకోవాలన్న వ్యూహం మహారాష్ట్రలో బెడిసికొట్టిందిగాని, అది వేరెక్కడా అమలు కావట్లేదని ధీమాగా చెప్పలేం! ‘దోచుకునేటంత దొరతనమున్నప్పుడు అడుక్కు తినేటంత అధవతనమేల’ అన్న తత్వాన్ని తలకెక్కించుకున్న చోట్ల వందలకోట్ల సెటిల్‌మెంట్ల దందాలు నిష్పూచీగా సాగడం లేదని ఎవరు చెప్పగలరు? భారతరత్న వాజ్‌పేయీ చెప్పినట్లు- అధికారం అవినీతిని మప్పుతోంది. విషంలో పుట్టిన పురుగుకు విషమే ఆహారమన్నట్లుగా మొత్తం వ్యవస్థనే అది అవినీతి విషతుల్యం చేస్తోంది. ఈ పరిస్థితుల్లో అమృతోత్సవాలకు సిద్ధమవుతున్న స్వాతంత్య్రం- మేడిపండును తలపించడంలో వింతేముంది?
- పర్వతం మూర్తి
జిల్లా వార్తలు
ఏ జిల్లా

బలవ-తప , వస-ళ-ల , మహ-జ-డ-య , Eenadu , Vyakyanam , Article , General , 1302 , 121074100 , Top-news , Today-news

కొవ్వు అతిగా తింటున్నారా?

అతి అనర్థదాయకం. ఆహారం విషయంలో దీన్ని దృష్టిలో పెట్టుకోవటం ఎంతైనా అవసరం. మనకు కొవ్వు అవసరమే. అలాగని అతిగా తినటమూ మంచిది కాదు. ఇది మితిమీరితే కొవ్వు అతిగా తింటున్నారా?

క-వ , అత-గ , త-ట-న-ర , Eenadu , Sukhibava , Article , Eating , Too , Much , Fat , Is

చిప్‌ల కొరతతో... ప్రపంచం సతమతం

ప్రపంచానికి సిలికాన్‌ చిప్‌ల కరవొచ్చింది. నేడు స్మార్ట్‌ఫోన్‌ల నుంచి కార్ల వరకు; వీడియో గేమ్‌ కన్సోల్స్‌ నుంచి వాషింగ్‌ మెషీన్ల వరకు; ల్యాప్‌ టాప్‌ల నుంచి టీవీల వరకు; వెబ్‌క్యామ్‌ల నుంచి సీసీటీవీ కెమేరాల వరకు అన్నీ సిలికాన్‌ చిప్‌ల (సెమీ కండక్టర్ల)తోనే... చిప్‌ల కొరతతో... ప్రపంచం సతమతం

చ-ప-ల , క-రతత , ప-రప-చ , సతమత , Eenadu , Vyakyanam , Article , General , 1301 , 121074846 , Top-news

కలయిక తర్వాత దురద... సమస్యా?

కలయిక తర్వాత దురద... సమస్యా?
నా వయసు 45. ఈ మధ్య తరచూ మూత్రానికి వెళ్లాలనిపిస్తోంది. అలాగే వెజైనా దగ్గర పొడిగా ఉండి దురద పెడుతోంది. కలయికలో పాల్గొన్న తర్వాత ఈ సమస్య మరింత ఎక్కువ అవుతోంది. ఇదేమైనా ప్రమాదమా?
- ఓ సోదరి
ఈ వయసులో డయాబెటిస్‌, ప్రీ డయాబెటిస్‌ వచ్చే అవకాశాలు ఎక్కువ. ఇవి ఉన్నప్పుడు తరచూ మూత్రం రావడం, ఆ ప్రాంతం పొడిబారడం, దురదపెట్టడం లాంటి లక్షణాలు కనిపిస్తాయి. ఊబకాయులైతే షుగరు, హోమా ఐఆర్‌ పరీక్షలు చేయించుకోవాలి. సాధారణంగా వెజైనాలో వైరల్‌, ఫంగల్‌ ఇన్‌ఫెక్షన్లు ఉన్నప్పుడు కూడా ఇలాంటి లక్షణాలు ఎక్కువగా కనిపిస్తాయి. మీరోసారి గైనకాలజిస్ట్‌ను కలవండి. షుగరు నిర్థరణ అయితే ముందుగా ఆ వ్యాధిని నియంత్రణలో ఉంచుకోవాలి. సమతుల ఆహారం తీసుకుంటూ వ్యాయామం చేయాలి. ఇన్‌ఫెక్షన్‌ తగ్గడానికి దంపతులిద్దరూ మందులు వాడాలి. సమస్య పూర్తిగా తగ్గేవరకు కలయికలో పాల్గొనొద్దు. ప్రీ డయాబెటిక్‌ స్థితిలో ఉన్నప్పుడు ఇలా ఫంగల్‌ ఇన్‌ఫెక్షన్‌లు వచ్చే ప్రమాదం ఉంది. యాంటీబయోటిక్స్‌ ఎక్కువ వాడటం వల్లా ఈ సమస్య రావొచ్చు. మూత్రంలో ఇన్‌ఫెక్షన్‌ ఉందేమో కూడా పరీక్ష చేయించుకోండి.
Tags :

కలయ-క , తర-వ-త , ద-రద , సమస-య , Eenadu , Vasundhara , Article , General , 1001 , 121069098 , Urine

ఇంటి లోపల మెట్లు ఉండొచ్చా?

ఇంటి లోపల మెట్లు ఉండొచ్చా?
ఈనాడు, హైదరాబాద్‌
ఇళ్ల స్థలాల ధరలు పైపైకి ఎగబాకడంతో తక్కువ విస్తీర్ణంలోనే సొంతింటి నిర్మాణానికి ఎక్కువ మంది మొగ్గు చూపుతున్నారు. వంద అంతకంటే తక్కువ చదరపు గజాల్లోనే ఇంటి నిర్మాణమంటే ఒకింత సవాలే. మెట్ల నిర్మాణంలోనే ఎక్కువమంది సమస్యలు ఎదుర్కొంటుంటారు. ఇవి ఏ దిక్కున ఉండాలి? మెట్లు ఎక్కడం, దిగడంలోనూ నియమాలు ఉన్నాయా? వాస్తు శాస్త్రం ఏం చెబుతోంది.. అని వివరిస్తున్నారు వాస్తు నిపుణులు కృష్ణాదిశేషు పెంటపాటి.
సాధారణంగా మనకు ఎక్కువగా మూడు రకాల మెట్ల నిర్మాణాలు కనిపిస్తుంటాయి. స్థల లభ్యతను బట్టి ఇంజినీర్లు నిర్మాణ ప్రణాళిక రూపొందిస్తారు.
* ఇంటి వెడల్పు తక్కువగా, పొడవు ఎక్కువగా ఉన్నప్పుడు కింది నుంచి పైఅంతస్తు వరకు నిలువుగా మెట్లు ఉంటాయి. మెట్లు ఎక్కేటప్పుడు కాస్త ఆయాసం వస్తుంది. కాస్తంత అసౌకర్యంగానూ ఉంటుంది. మధ్యలో ల్యాండింగ్‌ ఉండేలా చూసుకోవాలి.
* సగం మెట్లు ఒకవైపు..రెండోసగం మరోవైపు ఉండే మెట్లలో మధ్యలో ల్యాండింగ్‌ ఉంటుంది. ఎక్కేటప్పుడు, దిగేటప్పుడు అలసట లేకుండా సౌకర్యంగా ఉంటాయి. ఎక్కువ మంది వీటినే ఇష్టపడతారు.
* మరోరకం గుండ్రంగా తిరుగుతూ పై అంతస్తుకు వెళ్లడం. ఇలాంటి మెట్లు చాలా తక్కువ స్థలం ఉన్నప్పుడు మాత్రమే నిర్మించుకోవాలి. స్థల అవసరాలకు అనుగుణంగా నిర్ణయాలు తీసుకోవాలి.
ఏ దిశలో  ?
ఇంటి దిక్కును బట్టి మెట్లు ఏర్పాటు చేసుకోవాలి.
* తూర్పు దిశకు ఇల్లు ఉంటే మెట్లు తూర్పు ఆగ్నేయ మూలలో ఉండాలి.
* ఇల్లు పడమరలో ఉంటే పడమర నైరుతిలోనూ.. ఉత్తరంలో ఉంటే ఉత్తర వాయువ్యంలో ఉండాలి.
* దక్షిణం దిక్కున ఇల్లు ఉంటే దక్షిణ నైరుతిలో మెట్లు ఉండాలి.
* ఎలాంటి పరిస్థితుల్లోనూ తూర్పు ఈశాన్యంలో, ఉత్తర ఈశాన్యంలో మెట్లు కట్టడం శాస్త్రపరంగానూ, ఇతర అవసరాల దృష్ట్యా సమ్మతం కాదు.
డ్యూప్లెక్స్‌లో ఎలా?
వాస్తు ప్రకారం డ్యూప్లెక్స్‌ ఇంటిలో మెట్ల నిర్మాణం సాధ్యమే. హాలు నుంచి పైఅంతస్తుకు వెళ్లేందుకు వీలుగా వీటి ఏర్పాటుతో ఎలాంటి దోషం లేదు. వాస్తవానికి ఇంటికి సంబంధించిన ప్రతీ అంశం వివరంగా ఉండదు. శాస్త్రంలో చెప్పిన మూల సూత్రాలను విస్మరించకుండా అందుబాటులో ఉన్న స్థల అవసరాలకు అనుగుణంగా నిర్ణయం తీసుకోవచ్చు. సొంతిల్లు అనగానే బంధువులు, అతిథులు, స్నేహితుల రాకపోకలు ఉంటాయి. ఇలా ఎందరో ఇంటికి వచ్చేవారి అవసరాలు తీరేలా ఉండాలి. అందంగానూ, ఇదొక అదనపు అకర్షణగా ఉండేలా మెట్ల భాగాన్ని తీర్చిదిద్దుకుంటే సరే.
ఎక్కడం, దిగడంలోనూ నియమాలా?
మెట్ల మార్గంలో కింది నుంచి పైఅంతస్తుకు... తూర్పు నుంచి పడమరకు, ఉత్తరం నుంచి దక్షిణం వైపునకు నడవాలి.  దిగేటప్పుడు తూర్పు, ఉత్తరం వైపు అడుగులు వేయాలి. ఇది శుభప్రదంగా జయప్రదంగా ఉంటుంది. కొన్ని సందర్భాల్లో కచ్చితంగా ఇలా అని చెప్పలేం కానీ ఉన్నంత వరకు ఇది ఆచరణీయం.
సౌకర్యం ప్రధానం..
శాస్త్ర ప్రకారం మెట్లు ఇంటి బయట ఏర్పాటు చేసుకున్నా.. లోపల ఏర్పాటు చేసుకున్నా ఎలాంటి అభ్యంతరం ఉండదు.  సౌకర్యం, భద్రత ప్రధానం.
* పెద్ద ఇల్లయితే కింద ఉన్నవారికి పైఅంతస్తుకు వెళ్లేవారితో ఎలాంటి అసౌకర్యం కలగకూడదు. మెట్ల నిర్మాణంలో ఇదే ప్రధానమైంది.
* ఇంటి లోపల నుంచి, బయటి నుంచి పైఅంతస్తులకు వెళ్లేలా మెట్ల ఏర్పాటు మరింత సౌకర్యంగా ఉంటుంది.
Tags :

ఇ-ట , ల-పల , మ-ట-ల , ఉ-డ-చ , Eenadu , Sthirasthi , Article , General , 0502 , 121068316 , Home