Դոնալդ Թրամփը դատական գործեր է հարուցում ընդդեմ սոցիալական ցանցերի

Դոնալդ Թրամփը դատական գործեր է հարուցում ընդդեմ սոցիալական ցանցերի
ԱՄՆ-ի նախկին նախագահ Դոնալդ Թրամփը չորեքշաբթի օրը դատական գործ է հարուցել ընդդեմ Twitter-ի, Facebook-ի եւ Google-ի: Գործերն ուղղված են նաեւ ընդդեմ այդ ընկերությունների գործադիր տնօրենների, որոնց Թրամփը մեղադրում է պահպանողական տեսակետները լռեցնելու անօրինական գործողությունների մեջ: Այս մասին գրում է «Ամերիկայի ձայն»-ը։
Մայամիի մարզային դատարան ներկայացված բողոքում ասված է, որ Կալիֆորնիայից գործող սոցիալական այս ցանցերը ոտնահարում են ԱՄՆ-ի սահամանադրությամբ ազատ արտահայտվելու իրավունքը:
«Մենք ամերիկյան ազատությունների հարցում գրանցելու ենք պատմական հաղթանակ», հայտարարել է Թրամփը Նյու Ջերսիում անցկացված մամլո ասուլիսի ժամանակ:
Այս առնչությամբ նշված ցանցերի պատասխանատուները դեռեւս հանդես չեն եկել որեւէ հայտարարությամբ:
Հիշեցնենք, որ Թրամփը սոցիալական այս ցանցերում իր հաշվեհամարներից զրկվեց, երբ այս ընկերությունները հայտարարեցին, որ նա ոտնահարում է բռնություններ հրահրելու դեմ իրենց ընկերությունների քաղաքականությունը:
Թրամփը բողոքում է, որ Հաղորդակցության պարկեշտության մասին օրենքի 230-րդ կետը ինտերնետային խոշոր ընկերություններին չափից ավելի մեծ իրավունքներ է տալիս եւ ազատում է նրանց իրենց գործողությունների համար պատասխանատվությունից:
Ֆլորիդայում դաշնային մի դատավոր էլ անցյալ շաբաթ արգելափակել էր նահանգային այն օրենքի կիրառումը, որը նախատեսում էր նահանգին տուգանել սոցիալական այն ցանցերին, որոնք արգելքներ են հարուցում քաղաքական թեկնածուների նկատմամբ: Դատավորի կայացրած որոշման մեջ ասված է, որ Ֆլորիդա նահանգի կառավարիչ Ռոն ԴեՍանթիսի կողմից ստորագրված օրենքի նախագիծը հակասահմանադրական է:
 

Related Keywords

Miami , Florida , United States , New Jersey , America , , Donald Wednesday , Law Point , Saturday Block , Florida United States , மியாமி , புளோரிடா , ஒன்றுபட்டது மாநிலங்களில் , புதியது ஜெர்சி , அமெரிக்கா , டொனால்ட் புதன்கிழமை , சட்டம் பாயஂட் , சனிக்கிழமை தொகுதி , புளோரிடா ஒன்றுபட்டது மாநிலங்களில் ,