Viva Cuba!
Para sorpresa de todos, o pasado domingo houbo unha chea de manifestacións que a partir dunha primeira -segundo contan as crónicas- en San Antonio de los Baños, seguiron por diversas partes de Cuba. Segundo datos da BBC, serían unhas dezaseis na provincia da Habana e outras vinte e dous no resto do país. Os manifestantes proclamaban consignas a favor da liberdade e en contra da ditadura. Ben axiña, e animados polo goberno, mobilizáronse contramanifestantes fieis ao réxime, que daban vivas a Fidel Castro e a Cuba.
Ben axiña, os partidos de dereita españois e os xornais que se moven na súa órbita deron noticia dos sucesos, ao tempo que esixían un pronunciamento claro por parte do goberno de Sánchez. Cabería ver cal sería a actitude dun goberno do PP nunha situación semellante pero a máis elemental diplomacia aconsella conservar a calma en situacións semellantes. Unha nota escrita ou unha chamada telefónica ao embaixador correspondente abondan.